Сәуір 2017
03 Сәуір 2017
ТУРИСТІК ФИРМАЛАР ШАҚЫРАДЫ
- Article Details
Астана ЭКСПО-2017 – ең алдымен, ха-лықаралық мамандандырылған көрме. Мұнда тек Қазақстанның мәдениеті мен өнімі ұсынылмайды. ЭКСПО-ға мүше барлық елдер (160 мемлекет) тақырыпқа сай өз өнімдерін тарту етеді. Бұл науқанның Қазақстанға берері көп.
Мәселен, ЭКСПО кезінде әлемнің түкпір-түкпірінен келген ең жаңа, заманауи технология-лар көрмеге қойылып қана қоймай, олардың жұмыс істеу принциптері көрсетіледі. Сол арқылы біз жаңа технологияларды көріп, әлемдегі озық технологиялар мен техниканың қай бағытта,
ЕЛ КҮЗЕТІНДЕ КІРПІК ҚАҚПАЙ ТҰРҒАН
- Article Details
«Тың және тыңайған жер-лерді игергені үшін», «Кеңес милициясының 50 жылдығы», В.И.Лениннің туғанына 100 жыл толуына орай «Ерен еңбегі үшін», «Еңбек ардагері», «Ұлы Жеңістің 70 жылдығы», 3 мәрте «Ішкі істер бөліміндегі мінсіз қызметі үшін» медальдарының иегері. Сонымен қоса, «Милиция үздігі», «ІІБ еңбек сіңірген Ардагері» «ІІМ Құрметті Ардагері» төсбелгілерімен марапатталған. Осының бәрі ел күзетінде кірпік қақпастан тұрған запастағы милиция майоры Петр Васильевич Чуркин туралы.
2017 жылдың 1 сәуірінде 80 жастың сеңгіріне шыққалы отырған ардагер ақсақалдың мерейтойы қарсаңында ол туралы кеңінен сөйлеуге болады. Жаны таза, адамгершілігі мол, кеңпейіл, ниеті ізгі ол осы ерекше қасиеттерімен жерлестерін тәнті еткен адам. Өзінің өмір жолы жайлы әңгімесінде Семей облысының Көкпекті ауданы Қарағандыкөл совхозының Комсомол бөлімшесінде қарапайым шаруа отбасында дүниеге келгенін айтады. Петр Васильевич 1955 жылы Үлкенбөкен орта мектебін тәмамдайды да, осы ауылдағы кәсіптік-техникалық училищеден механизатор мамандығын меңгеріп, Қарағандыкөл МТС-інде еңбек жолын бастаған. Балғын жас 1957 жылы Көкпекті совхозында тракторшы болып істеді. КСРО Қарулы Күштері сапында Отан алдындағы борышын атқарып елге оралған жалындаған жігіт аудан орталығындағы Автошколада оқып, жүргізуші куәлігін алды. Көкпекті автобазасында жұмыста жүргенде 1963 жылы комсомолдық жолдамамен Алматы арнаулы орта дәрежелі милиция мектебінің техникалық бөлімінде оқыған. Арманшыл жас туған Көк-пектісіне оралып, аудандық МАИ бөлімінде еңбек жолын жалғастырды. - 1971 жылы Қарағанды қаласындағы Жоғарғы милиция мектебін оқып бітіргеннен соң, қызмет баспалдағымен ауданда аға тергеуші, ІІБ басшысының орынбасары болдым. Соңынан денсаулығыма байланысты Кезекші бөлімде аға инспекторлыққа ауысып, сол жерден еңбек демалысына запастағы милиция майоры атағымен шыққанмын. Бастан талай оқиғалар кештік қой. Оның қайсы бірін айтайын, - дейді, өзіне тән қарапайымдылықпен Петр Васильевич.
НАУРЫЗ МЕРЕКЕСІН «МЕНСІНБЕГЕНДЕР» ДЕ БАР ЕКЕН!
- Article Details
Күн мен түн теңелетін, табиғат ана тамылжып, қыс бойы қар құрсауында болған тіршілік оянатын, жер мен көк жаңаратын мезгіл әз-Наурыз мерекесін де атап өттік. Аудан әкімінің міндетін атқарушы Ерлан Қалдыбаев төрағалық еткен әкімшілік отырысында Ұлыстың Ұлы күнін атап өту бойынша қорытындылар да шығарылды. Ішкі саясат бөлімінің басшысы Бек Нұғыбаев жасаған баяндамадан басты түйгеніміз – біздің ауданда Наурыз мерекесін «менсінбейтіндер» де бар екен!
Редактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің редакторы Ф.М.Таянкенов.
Қаралым санағы
Біз әлеуметтік желідеміз
