Жаңа жыл – бүкіл әлемнің асыға күтетін мерекесі болып, болашаққа деген көп жоспарды алға қойғызатын кез. Балалармен қатар ересектер де асыға күтетін мерекелердің бірі .Осы мереке Биғаш ауылында да өте қызықты және көңілді өтті. Желтоқсанның 30-нан бастап ауыл әкімі Д.Оспанов Аяз ата, Ақшақармен бірге, үй-үйді аралап,кішкентай балақайларға «Арна» шаруа қожалығының басшысы М.Жакуповтың және жеке кәсіпкер Р.Тоқпанованың демеушілігімен базарлық таратты. Балаларға арналған «Төрлет, Жаңа жыл!» атты ертеңгілік ұйымдастырылды.

Жеті қазынаның бірі ғой, ырысымды арттырсын деп ырымдаған Тассай ауылының халқы Ит жылын да ерекше құштарлықпен қарсы алды. Алдымен ауыл әкімі Ержан Мазыбаев ауылдас-тарына аталы сөз айтып, Ит жылы құтты болып, ағайынның саулығы бақуат, қалтасы қалың бол-уын тіледі. Өз кезегінде бүгінгі үлкен, халықтық бұқаралық мейрамның аса жоғары деңгейде өтуіне себепкер болған «Атымтай жомартымыз» білікті де белді кәсіпкер «Бекзат» ШҚ-ның басшысы, құлашы алымды, несібесі салымды Қайрат Мұқанов сынды азамат жиналған қалың қауымды Жаңа Жылмен құттықтай келе Ит жылы дүние есігін ашып, бүгінде жеті мүшел басып сексеннің сеңгіріне шыққан қос әжей Кәмен тәте мен Күлчакен шешейге «Ұрпағыңмен мың жаса» деп, ізгі ниетпен алғашқы сыйлықтарын тарту етіп, «Бекзат ШҚ» жұмысшы-механизаторларына да ерен еңбектерін ескеріп бағалы сыйлықтар атады.

Шәріптоғай негізгі мектебінде «Төрлет, Жаңа жыл!» атты жаңажылдық кеш өтті. Жаңа жыл кеші таңғажайып қызықтарға толы болды. Аяз ата мен Ақшақарды асыға күткен балалар шыршаны айналып Аяз атамен бірге шырша жырын айтып, әсем әуенге бөленді. Жаңажылдық кешімізде мектеп оқушыларына ауылымыздың тұрғыны Сарымсақов Марат Мәлікұлы тосын сый жасады. Балаларға жаңажылдық тартулары салтанатты түрде таратылып, мектеп оқушылары мен балабақша бүлдіршіндері бір қуанып мәз мейрам болып жатты.

Көзімізге ыстық, көңілімізге қайғы мен қуаныш орнатқан жыл сайынғы желтоқсаным да елімізге келіп жетті. Еліміздің тәуелсіздігінің белгісі, жырымның арнаған шуағы, Желтоқсан құрбандарыма жаққан шырағым сен - Желтоқсан! 31 жыл қысым өтіп, көктемім келіп бүр жарса да біздің боздақтарымыз мәңгі есімізде.