Қайырымдылық - халқымыздың ең ізгі қасиеттерінің бірі. Адам өміріндегі ең игі істерінің бірі - мұқтаж жандарға қамқорлық жасау. Адамдар бір-біріне қайырымдылық, мейірімділік таныту арқылы жақсылық жасайды. 2018 жылдың 5 маусымында қасиетті Рамазан айында Бастаушы ауылдық округінде Габбасов Дінислам Асхатұлына шұғыл түрде ота жасатуға байланысты «Жан жылуы» акциясы ұйымдастырылды. Дінисламымыздың дертіне шипа берсін деп ниет еткен тілекші әкімшілік ұжымы, дәрігерлік амбулатория ұжымы, мешіт имамы және жекелеген ауыл тұрғындары З.Иглікова, Г.Ракишева, Г.Қожахметова шама шарқыларына қарай азын-аулақ көмектерін көрсетті. Дінисламымызға Алла тағаламыз шипасын берсін деп тілейік ағайын.

Бастаушы ауылдық округі
әкімінің ақпараты

Бастаушы ауылдық округі бойынша «Астана-ның 20 жылдығына» орай ауылдық кітапханаға Абай атындағы орта мектебінің 1-3 сынып оқушылары және бастауыш сынып мұғалімдері Ж.Нұргазина, Д.Мекина экскурцияға келді. Кітапханашы оқушыларды «Ел ордасы Астана», «Болашаққа бағдар: рухани жаңғыру», «Ұмытылмас даңқты жылдар» атты Ұлы Жеңістің 73 жылдығына орай ұйымдастырылған кітап сөрелері жайлы айтты. Сондай-ақ, кітапханаға жаңа-дан келген кітаптар «Жаңа кітаптар», «Балалар әдебиеті» атты кітаптармен танысты.

Аудан аумағындағы қарақойын Қалбатауының аясында жатқан ауылдық округтер берекелі де бақуатты елдімекендерден құралады. Бұл ауылдардың тұрғындары ел мен жерін еңбектерімен көркейтіп отырған әлеуетті жұрт, қауқарлы бұқара. Аудан әкімі Асхат Смаилов кезекті жұмыс сапарын Мариногорка, Миролюбовка, Палатцы, Сарыбел ауылдық округтерінде аяқтады.

МАРИНАГОРКАДАҒЫ СҮБЕЛІ СҰХБАТ

Аудан басшысы жұмыс барысын ауылдағы тұрғындарға медициналық қызмет көрсетіп отырған фельдшерлік амбулаториялық пунктінен бастады. Фельдшерлік пунктті қарап шығып, жергілікті халық үшін дәрі-дәрмек сататын дәріхана ашу, арнайы маманды оқыту мәселелері бойынша ауданаралық аурухананың бас дәрігері Е.Зиядановқа шешу тапсырылды.

Ағымдағы жылдың 19 мамыр күні, Көкпекті ауданнының кәсіпкерлік және ауыл шаруашылық бөлімінің нұсқауымен Самар ауылында Сарыбел ауылдық округінің ауыл шаруашылық жәрмеңкесі болып өтті. Жәрмеңкеде сүт ет, балық және тұз-далған көкеністер, тосап сатылды.
Сонымен қатар ауыл тұрғындары, ұстаздар, оқушыларда келіп, өздеріне ұнаған тағамдарды сатып алды. Жәрменкеде ауылдық округтен арзан бағамен ет сүт өнімдері сатылып, ауыл тұрғындары жәрмеңе бағасына ризалығын білдірді. Сарыбел ауылының жәрмеңкесінда сауда қызу өтті.
Аталмыш жәрмеңкені ұйымдастыруға қол ұштарын берген ауыл тұрғындары Қайырзада Смағұлова, Ахмет және Гүлнар Смағұловтарға және Ольга Стряпчеваға округ әкімі және әкімшілік қызметкерлерінің алғыстары шексіз.

Әсем Арыстанғалиева, клуб меңгерушісі