Қазақстан Республикасы Үкіметінің 2021 жылғы 12 қазандағы қаулысымен кәсіпкерлікті дамыту жөніндегі 2021 – 2025 жылдарға арналған ұлттық жоба бекітілді. Оны әзірлеудің мақсаты-кәсіпкерлік құрылымында сапалы өзгерістерді қамтамасыз ету. Оның қандай артықшылықтары бар және біздің ауданда қалай жүзеге асырылатыны туралы біз «Көкпекті ауданының халықты жұмыспен қамту орталығы» КММ басшысы Данияр Адиұлы Айдаровпен сұхбаттастық.

- 2021-2025 жылдарға арналған ұлттық кәсіпкерлікті дамыту жобасына өткен жылы қанша адам қатысты және олар алған қаражаттарын қалай игерді?

 - 2021 жылы Көкпекті ауданы бойынша Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында 75 қатысушыға 200 АЕК(583400 теңге) көлемінде жаңа бизнес-идеяларға гранттар (өтеусіз гранттар) берілді. Оның ішінде:      жастар - 23 адам, аз қамтылған отбасылар мүшелері – 9, көп балалы отбасылар – 7, көп балалы аз қамтылған отбасылар - 3, мүмкіндігі шектеулі еңбекке қабілетті тұлғалар - 5, басқа санаттар (жұмыссыздар, өзін-өзі жұмыспен қамтығандар) - 27 адам. Бизнес-жобаға сәйкес: құрал-жабдықтар – 8 бірлік, еңбек құралдары – 6 бірлік, технологиялық жабдықтар - 5 бірлік, сондай-ақ 56 бас мал сатып алынды.

Аудан әкімі Раджан Сейтқановтың есептік кездесулері 31 наурыз күні Ұзынбұлақ, Ажа, Қайнар, Тассай, Үшкөмей, Биғаш және Егінбұлақ елді мекендерінде жалғасты.