Қазақстан Республикасының «Медиация» туралы Заңы 2011 жылдың 28 қаңтарында қабылданып бүгінгі күні елімізде жүзеге асырылуда.Медиация ұлтты, біріктірушілік қызмет атқарып отыр.Дауды (дау-шарды) шешу медиацияның екі тарапын да қанағаттандыратын нұсқасына қол жеткізу, дауласушылық деңгейін төмендету.Ел бірлігі демекші бірнеше жылдан бері медиацияның ел ішінде дамуын, кең таралуын насихатын арттыру мақсатында Қазақстан халқы Ассамблеясы да жұмыс істейді.Қазіргі уақытта Қазақстанда медиация институтының жұмысы белсенді түрде жүргізілуде.
Қазіргі күні Самар ауылдық әкімшілігінің ғимаратында «Ақсақалдар кеңесі» құрылған. Сотқа дейінгі дауларды сол кеңесте талқыланып, дауды сотқа жеткізбей, тараптарды татуластыруға есігін ашады. Ақсақалдар кеңесі сәуір айынан бастап өз жұмысын атқарып, нәтижесінде неке бұзу, қарызды өндіру сатысында тараптар татуласып, сотқа түсірген арыздарын дауды медиация тәртібінде қысқартып, алуда.

Тарих қыртысына үңілсек, ондай мысалдарды көптеп табамыз.Аузы дуалы атақты Қазбек,Төле ,Әйтеке билердің болғаны мәлім. Медиация туралы заңымыздың аты бөлек болғанымен қазақ халқы үшін жат дүние емес. Қазақ қашанда сөзге тоқтаған халықпыз «Алдыңа келсе атаңның құны болсада кеш», «Ер шекіспей,бекіспейді»,- деген мақалдар соның көрінісі. Дауды бітімгершілік жолмен шешкен ел ақсақалдары, халқымыздың бірлігін сақтаған. Қазіргі таңда медиацияны бірдеңгейде қолдасақ халқымызға игі әсерін тигізеді.

С.Құдайберген, Көкпекті ауданының
№ 2 аудандық сотының
жетекші маманы

Пікір: