Көкпекті әкімі аппаратының мәжіліс залында 6 мамыр күні Шығыс Қазақстан облысы бойынша сыбайлас жемқорлыққа қарсы іс-қимыл Департаментінің тергеу басқармасының қылмыстық құқық бұзушылықтарды және басқа да заң бұзушылықтарды жасауға ықпал еткен жағдайларды жою жөніндегі шараларды қолдану бойынша ұсынысы қаралған аудан активінің жиналысы болып өтті.
Аталған ұсынысты қарауға сыбайлас жемқорлыққа қарсы іс – қимыл Ұлттық бюросының Шығыс Қазақстан облысы бойынша Департаменті басшысының орынбасары - Танабаев Рустем Ерсімбекұлы, Сыбайлас жемқорлыққа қарсы іс-қимыл Ұлттық бюросының (Сыбайлас жемқорлыққа қарсы қызмет) Шығыс Қазақстан облысы бойынша департаменті Тергеу басқармасы басшысы Қаратай Дәурен Ералыұлы арнайы келді. Көкпекті ауданы активінің жиналысына аудан әкімдігінің басшылары, маслихат хатшысы, «Нұр Отан» партиясы аудандық филиалы төрағасының орынбасары, ардагерлер кеңесінің төрағасы, ауылдық округ әкімдері, дербес бөлім басшылары, жергілікті атқарушы органдарының мемлекеттік қызметшілері мен есепшілері, аудандық құқық қорғау органдарының басшылары (прокуратура, ішкі істер бөлімдері, жергілікті полиция қызметі), әділет, статистика, кірістер және қазынашылық басқармаларының басшылары, денсаулық сақтау саласының қызметкерлері қатысты.

Күн тәртібіне келесі мәселелер енгізіледі: «Көкпекті ауданының арнайы әлеуметтік қызметтер көрсету орталығы» және «Көкпекті ауданының № 1 балалар – жасөспірімдер спорт мектебі» коммуналды мемлекеттік мекемелерінің бас бухгалтерлеріне қатысты бюджеттік ақша қаражатын ұрлау фактілері бойынша болды.
Алғашқы сөз кезегін алған сыбайлас жемқорлыққа қарсы іс – қимыл Ұлттық бюросының Шығыс Қазақстан облысы бойынша Департаменті басшысының орынбасары - Танабаев Рустем Ерсімбекұлы алды. Ол сыбайлас жемқорлық қылмыстарын жою әдістерінің бірі ретінде орталықтандырылған бухгалтерия құру идеясын айтты.
Сыбайлас жемқорлыққа қарсы іс-қимыл Ұлттық бюросының (Сыбайлас жемқорлыққа қарсы қызмет) Шығыс Қазақстан облысы бойынша департаменті Тергеу басқармасы басшысы Қаратай Дәурен Ералыұлына берілді. Жиналыс соңында қатысушылар тарапынан қойылған сұрақтарға тиісті жауап алынды.

Пікір: