«Нұр Отан» партиясының 15 съезі барысында партия төрағасы Н.Назарбаев «Саяси көшбасшылықтың принципті мәселесі ретінде сыбайлас жемқорлықпен ымырасыз күресудің стратегиясын әзірлеуді» тапсырған болатын. Осы мақсатта жемқорлыққа қарсы күресудің 2015-2025 жылдарға арналған Бағдарламасының жобасы жер-жерде талқылануда.

Таяуда бұл Бағдарламаның жобасы  құрамында 81 партия мүшесі бар Биғаш селолық округінің бастауыш партия ұйымында «Сыбайлас жемқорлық жоқ ел - өркендеуші ел» атты идеологиялық сабақ аясында қоғамдық ұйымдармен бірлесе отырып, жиын өткізіліп Бағдарлама жобасы  талқыланды.

2015-2025 жылдарға арналған сыбайлас жемқорлыққа  қарсы іс-қимыл бағдарламасы – Қазақстандағы сыбайлас жемқорлыққа қарсы  қызметтің барлық тәжірибесі мен осы саладағы жалпы әлемдік үрдістерді ескере отырып дайындалған. Бағдарлама мемлекеттің азаматтардың және қоғамдық ұйымдардың сыбайлас жемқорлыққа қарсы қайратын барынша жұмылдаруға бағытталған.

Сондай-ақ «Қоғамдық  бақылау туралы» заңдарды қабылдау туралы бағдарламада нық жазылған. Әрбір азамат жемқорлыққа қарсы тұрып, тосқауыл қоймайынша нәтижеге жету мүмкін емес. Ел ертеңі үшін аса қауіпті кесел - жемқорлықпен күресу бәріміздің міндетіміз. Сондықтан да бұл істі заман талабына сай жұмыла жолға қоюымыз қажет

Р.Наурызбаева, «Нұр Отан» партиясы аудандық

филиалы  саяси кеңесінің мүшесі      

Пікір: