Қылмысқа қарсы жан аямай күрескен аға ұрпақ өкілдері салып кеткен Қазақстан полициясының ерлік салт-дәстүрін сақтау және оны еселей түсу болашақ полиция қызметкері болам деген жас ұрпақтың басты борышы.
Елбасы Н.Ә.Назарбаевтың ұстан-ған саясаты еліміздегі жалпы ұлттық бірлікті, қоғамдық келісімді, сақтауды, өз елінің патриоты болып, құқық бұзушылықпен күресті күшейтуді талап етеді. Полицейлер-бұл адамдардың құқығы мен бостандығын қорғай отырып, қылмысқа қарсы күресте алдыңғы қатарда тұратын адамдар. Түнді таңға жалғап, уақытпен санаспай, полиция қызметінің антына берік болып, қызығы мен қиындығы қатар жүретін мамандықтың иесі болғысы келген жас талапкерлерге бүгінгі күні мемлекетіміздің 4 облысында, яғни Алматы, Ақтөбе, Қарағанды, Қостанай Қазақстан Республикасы Ішкі істер министрлігінің Академиялары болашақ полиция кадрларына сапалы білім беруде.
Бұл оқу орындарының ерекшеліктерінің бірі оқу тегін жүзеге асырылып, тыңдаушылар казармалық жағдайда тұрады және тамақ, киім-кешекпен қамтамасыз етіліп, арнайы стипендия алады.Сонымен қатар қызметтік міндеттерін орындау кезінде қаза болған немесе мүгедектік алған ІІО қызметкерлерінің балалары, кадет корпусына және әскери интернат мектептеріне конкурстан тыс оқуға қабылданады.

Үміткерлер «Дүниежүзі тарихы» бейіндік пәнін, Алматы Академиясына «Физика»пәнін дұрыс таңдауға ерекше назар аударғандары жөн. Талапкерлердің ҰБТ немесе кешенді тестілеуден өту нәтижелері бойынша тыңдаушылар қатарына қабылдау конкурсына қатысу үшін ең қажетті аз балл деңгейі ҚР Үкіметінің 23.01.2008 жылғы № 58 қаулысымен бекітілген Білім беру грантын беру ережесімен белгіленеді. Негізінен ҚР ІІМ оқу орындарына түсушілердің бойы 170 см (қыз балалар үшін 160 см) кем болмауы талап етіледі.
Сөз соңында айтарым, қиындыққа мойымай, төзім мен тәртіпті талап ететін қызметтің иесі болам десең саған деген ішкі істер органдарының жоғары оқу орындарының есігі әрдайым ашық.

Г.Нұрғалиева, Көкпекті АПБ бастығының
кадр жұмысы жөніндегі орынбасары
полиция майоры

Пікір: