Көкпекті ауданының №2 аудандық сотының ғимаратында Көкпекті ауданының МҚҚ ММ Күзет қызметкерлерімен «келушілер үшін арналған өткізу режимдері жөнінде жаңа Қағида» тақырыбында семинар-жиналыс өтті.
Аталған шараға, Көкпекті ауданының МҚҚ ММ Күзет қызметкерлері және сот қызметкерлері қатысты.
Сот төрағасы Н.Нұралинов, осы Қағидаларға енгізілген жаңа ұғымдардың біріне сәйкес, сот ғимаратының көпшілік кіретін бөлігі дегеніміз — күту залдары, сот отырыстарының залдары, хат-хабарларды қабылдау және беру үй-жайлары, фронт-офистер. Ғимараттың дәл осы бөлігіне сот процесіне қатысушылар жазатын құрылғыларды, есептегіш техниканы, мобильдік құрылғыларды (интернет модульдері бар ұялы телефондар, смартфондар, планшеттер), ақпаратты машиналық тасымалдағыштарды (флеш-карталар, USB-дискілер т.с.с.), сондай-ақ деректер беруді қамтамасыз ететін және Интернет желісіне шығу мүмкіндігі бар басқа да техникалық құрылғыларды алып кіруіне болатынын айтты.

Сонымен қатар, сот приставы Р.Сүйеукенов бұқаралық ақпарат құралдарының өкілдері енді сот аумағы мен ғимараттарына мобильдік құрылғыларымен, бейне, кино және фотоаппаратураларымен бірге кіру құқығына ие. Оларды БАҚ өкілдерінің пайдалану мәселесін төрағалық етуші судья ҚР ҚПК-нің 345-бабына, ҚР АПК-нің 19-бабына және ҚР ӘҚБтК-нің 21-бабына сәйкес шешілетінін айтты.
Семинар соңында қатысушыларда нысанда қауіпсіздікті сақтау іс шаралары бойынша сұрақтар қою мүмкіншілігіне ие болды.

Көкпекті ауданының № 2 аудандық сотының баспасөз қызметі

Пікір: