Көкпекті аудандық прокурату-расының ұйымдастыруымен ағым-дағы айдың 6-9 аралығында «Прокуратура халық үшін - ашық есіктер күні» акциясы өткізілді.
Аталмыш акция аясында Көкпекті аудандық прокурорының м.а. Б.Қарымсақов пен кәсіпкерлер палатасы аудандық филиалының директоры Ә.Мұқашева ауылдық округтерді аралап, тұрғын халықпен кездесті. Шараның мақсаты, түйткілді мәселелер мен шешілуді қажет ететін сұрақтарға жауап іздеу болып табылды.

Тұрғындар қабылдауға белсене қатысты. Оған көпшіліктің өздігінен аудандық прокуратураға келіп, кездесуге материалдық жағдайының жетіспеушілігі де себеп болды.
Азаматтар жер қатынастары мәсе-лелері, сот шешімі мен оның орындалуы жөнінде, жеке және лауазымды тұлғалардың іс-әрекеттерімен келіспеушілік тұрғысында және басқа да түрлі тақырыптарды қозғады. Бақытбек Батанұлы тұрғындардың мәселелерін тыңдап, қолданыстағы заңнама нормаларына сәйкес түсініктемелер берді. Қаралған мәселелердің 15 сол жерде шешімін тапты. Аудандық прокуратура мен өкілетті орындардың қарауына жататын 30 мәселе тіркелді.
Аталмыш шара ауыл халқының арасында оң көзқарас қалыптастырды. Себебі, халықтың қалауы бей-жай қалмады, мәселелердің барлығы қаралып, жедел түрде шешімін тапты. Осыған орай, тұрғындарды қабылдау алдағы уақытта да жүйелі түрде өткізілуі жөнінде шешім қабылданды.

Жансая СМАҒҰЛОВА

Пікір: