Бала-өміріміздегі ең құнды нәрсе, сондықтан оларға қамқор болып өмірлерін жақсартуға барынша мүмкіндік жасауымыз қажет. Балалардың күлкісі мен сәбилердің бақытты көзі, бәлкім, әлемдегі ең үлкен байлық.

Ағымдағы жылдың 31 мамырда Көкпекті ауылындағы орталық аудандық аурухана қызметкерлерінің балалары үшін «Балалар - біздің бақытымыз!» атты халықаралық балаларды қорғау күніне арналған кәсіподақ ұйымының ұйымдастыруымен мерекелік іс-шара өтті.
Аталмыш шарада клиника-диагностикалық емханасының меңгерушісі Нұрлан Әубәкіров құттықтау сөз сөйлеп, аталық тілегін білдірді. Бұл күні бүлдіршіндер өздерінің сүйікті мультфильм кейіпкерлерімен бірге көңіл көтерді. Күлкілі байқаулар, ойындар, әндер, билер, спорттық эстафеталар және ««Ана, әке және мен - спорттық отбасым» атты сайыс ұйымдастырылды. Сондай-ақ, бүлдіршіндерге тәтті мақта, поп-корн, шырын таратылды. Балалар асфальт үстіне түрлі түсті борлармен әр түрлі суреттер салды. Мерекелік кеш соңында аурухана кәсіподақ комитеті барлық балаларға сыйлықтар табыс етті.

Балаларды қорғау күні - бұл тек балалар көңіл көтеретін күн ғана емес, сонымен қатар қоршаған ортаға балалардың құқығын қорғау керектігін тағы бір еске салатын күн, барлық балалар бақытты болып өсіп, оқып, сүйікті ісімен айналысады және болашақта олар үлгілі ата-ана және елінің елеулі азаматтары болады.

Клара ҚАЙЫПЖАНҚЫЗЫ 

Пікір: