Қазақ тілді бағана

Орыс тілді бағана

Серіктестер

                                                                                                                    

                                                                                         

 

 

Материалдар

СУ ҚОРШАУЫНДА ҚАЛҒАН ЖЫЛҚЫШЫЛАР ҮЙІНЕ ОРАЛДЫ

Жарияланды 04 Сәуір 2024
Қаралды: 264
Көкпекті ауданында Көкпекті-Тассай аралығында 31 наурыздан бастап іздестірілген 2 жылқышы аман-есен табылды. 1 сәуір күні құтқарушылар көмегімен аудан орталығы Көкпекті ауылына жеткізілді.
Төтенше жағдайлар қызметінің дерегі бойынша жылқы іздеп шыққан 2 азамат Көкпекті өзеніндегі су деңгейінің көтерілуіне байланысты тұрғылықты жеріне өз бетінше орала алмаған. 31 наурыз күні сағат 17:30-дан бастап Абай облысының Көкпекті ауданында 1985 және 1990 жылдары туған 2 жылқышыны ҚМ-нің МИ-17 тікұшағының көмегімен іздестіру-құтқару жұмыстары жүргізілді.
Жылқышылардың айтуынша, олар малды айдауға шыққан, бірақ Көкпекті өзеніндегі су деңгейінің көтерілуіне байланысты кері оралу мүмкін болмаған.
Құтқарушылардың қабылдаған шараларымен 39 жастағы ер адам «Тассай-Көкпекті» автожолының көпірі маңынан табылды. Оны қайықтың көмегімен жағаға жеткізді. 33 жастағы екінші адам таңертең Көкпекті өзенінің бойындағы аралдан табылды. Ол Ми-17 тікұшағының көмегімен жағаға жеткізілді.
- Біз 31 наурыз күні Көкпектіден жылқы қарауға шықтық. Тассай ауылына апаратын Жүзағаш көпірінен өтіп, жылқы жайылымына бардық. Тасқын су көпірді шайып, қайта оралу мүмкін болмады. Сол күні далада түнедік. Аттың жалында өскен қазақ баласы болған соң аса қатты қиналдық деп айта алмаймын. Астымыздағы атымыздың ығына ер жастанып, далаға қонып шықтық. Ертеңіне құтқарушылар көмегімен өзеннен өттік, - дейді жылқышылардың бірі.
Құтқарылғандарға медициналық көмек қажет емес.
 
Дархан БЕРДІБЕК

Пікір:

Social Comments

Редактордың блогы

 Көкпекті аудандық  

«Жұлдыз - Новая жизнь» 

 газетінің сайтына

қош келдіңіздер!

 Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!

Құрметпен Көкпекті аудандық «Жұлдыз» - «Новая жизнь» газетінің редакторы Ф.М.Таянкенов. 

 

 

Күнтізбе

<< < Сәуір 2024 > >>
Дс Сс Ср Бс Жм Сб Жс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Қаралым санағы

HotLog

Біз әлеуметтік желідеміз