Материалдар

7-наурыз күні Семей қаласында облыс әкімі Нұрлан Ұранхаев аруларды мерекемен құттықтады.  Салтанатты шараға облысқа қарасты қала мен аудандардан жалпы саны 80 мұғалім, мемлекеттік қызметкер, әлеуметтік сала маманы қатысты.

Мерекелік кештің құрметті қонақтарының қатарында жерлестеріміз - "Рустам" ШҚ басшысы Индира Дүйсенбаева, "Ару-Ана" республикалық байқауының қатысушысы Динара Қизатова, "Көкпекті жолдары" ЖШС Гүлназ Нұрғалиева және "ҚалМұхЖом-Ахмет" шаруақожалығы басшысының көмекшісі Алмагүл Хабидолданова болды.

Өңір басшысы Нұрлан Ұранхаев мерекелік жиында жаңадан құрылған облыстың дамуына әйел азаматшалардың үлесі зор екендігін атап өтті. Облыс әкімі құттықтауында : «Әділдік төрге озып, қайта құрылған Абай облысының бүгінгі тыныс-тіршілігінде білімді, белсенді, әр іске байыпты қарап, байсалды мінез танытатын әйелдерсіз елес-тету қиын. Әр саланы жетік меңгерген, берері мен айтары бар іскер әйелдер – біздің мақтанышымыз! Тектіліктің тамыры тарап, ұлылықтың ұясы болған Абай елінде, Айпара анамыздай ұрпақ қамын ойлап, Зере әжеміздей Заңғар тұлға тәрбиелеген, дүниеге, Ұлжан анамыздай ұлы перзент әкеліп, Қызай, Мұрын аналарымыздай тұтас елге қамқор болған, туған халқын, Бибігүл мен Розадай сүйген, асыл жандар аз емес!», - деді Нұрлан Тельманұлы.
Салтанатты шара барысында облыс әкімі Президент жанындағы Әйелдер істері және отбасылық-демографиялық саясат жөніндегі ұлттық комиссияның 25 жылдығына орай Мәдениет және ақпарат министрі Аида Балаеваның атынан алғыс хаттар табыстады.
Кеш облыстық филармония және қалалық мәдениет сарайының шығармашылық ұжымының мерекелік бағдарламасымен жалғасты.

Пікір: