Материалдар

Күз мезгілі басталғалы бері ауданда ауыл шаруашылық жәрмеңкесі тағы да ұйымдастырылды. Сондай іс-шаралардың бірі 2 қазан күні "Ұлы дала елі" алаңында өтті.
Ауыл шаруашылық жәрмеңкесіне аудан әкімі Раджан Қайырқанұлы келіп, ұйымдастыру барысымен танысты. Халық сұранысына сай болу керектігіне назар аударды. Аудан басшысы ауылдық округ әкімдері мен ауыл шаруашылық бөліміне жәрмеңкеде қойылған өнімдердің қорына, бағасына мониторинг жүргізуді тапсырды. Жәрмеңке ұйымдастыру біріншіден, өңірлік тауар өндірушілердің өнімін өткізудің тиімді тәсілі болса, екіншіден, азық-түлік бағасын тұрақтандыруға септігін тигізуі керек екенін баса айтты.

Күзгі жәрмеңкеге халық көп жиналды. Аудан тұрғындары керек-жарағын жәрмеңкеден түгендеп қалуға тырысады. Алайда, сенбі күні ұйымдастырылған жәрмеңкенің жарнамасы жер жарса да халық бұл жерден керегін таба алмады. Сенбілік күзгі жәрмеңкеде тұрғындардың қысқы азық-түлігіне қажетті сары май, картоп, пияздың бағасы базар бағасымен бірдей саудаланды. Сонымен қатар сауда сөрелеріндегі ет және ет өнімдері саусақпен санарлық болды.
Көкөністер арасында қызанақ - (350) орамжапырақ – (140), сәбіз(200) картоп өнімдері тұтынушылар тарапынан үлкен сұранысқа ие болды. Алайда картоптың бағасы базар бағасымен бірдей саудаланды. Мәселен, атын атамауды өтінген Тассайлық тұрғын ауылда 5, 6 мыңнан саудаланып жатқан картоп бағасы мұнда бір мөшегі 7 жарым 8 мыңнан сатылғанын айтып наразылық тудырды. Сонда бұл жәрмеңке не үшін ұйымдастырылады? Баға қолжетімділігілі болмаса.
Көкжайық, Теректі және Шұғылбай округтерінің сауда сөрелерінде бітеудей дайындалған үйрек, қаздың еті қайнатылған құрт, қатты құрт, нан өнімдері, жұмыртқа болды. Ал үлкенбөкендіктердің сөресінен тұздалған саңырауқұлақ, көкөністің сан түрі самсып тұрды.
Сенбі күні Самар ауылдық округінің Абай алаңында да жәрмеңке өтті. Ауыл тұрғындарының көпшілігі оның өтетіні туралы біледі, өйткені ауылдық округ әкімдігі қызметкерлері жәрмеңке туралы алдын ала хабарлайды. Ауылшаруашылық жәрмеңкесін өткізу кезінде бетперде кию режимі және санитарлық нормалардың барлық ережелері сақталады.
Сөрелерде әдеттегідей ет өнімдері көп болды – сиыр, қой еттері белгіленген бағада 1 келісі 1800 теңге - 2000 теңгеден саудаланды. Ал базарда оның бағасы келісі 2100-ден 2300 теңгеге дейін, тартылған ет 2500 теңгеден кем сатылмайды .
Сүт өнімдерін жақсы көрушілер де жәрмеңкеде бұл өнімдерді сатып ала алады. Сөрелерде балық өнімдері көп болды, тартылған балық үлкен сұраныспен келісі 400 теңгеден ұсынылды.
Бұл жолы көкөніс өнімдері болған жоқ. Алайда көкөніс өсірушілер мен жеке сатушылар күнделікті базарда ауыл тұрғындары үшін қызанақты келісі 200 - 250 теңгеден, 1 қап картоптың бағасы 5 мың және 6 мың теңгегенің арасында сатады.
Жәрмеңкеге Самар өңірінің барлық ауылдық округтері белсене қатысуда. Тұтынушылар ұсынылған өнімдердің ассортиментіне және белгіленген бағаларға риза болды.

Пікір: