Материалдар
РАМАЗАН АЙЫ - ИГІ ІСТЕРДІҢ БАСТАУЫ
-
Жарияланды 04 Мамыр 2021
-
Қаралды: 838
Алла Тағаланың ерекше ықыласы түскен, шарапаты мол, iзгi ниеттi iске сауабы көп, жыл он екi айдың ең қадiрлiсi болып саналатын қасиетті Рамазан айы келді. Дәстүр бойынша, дәл осы қасиетті айда мұсылмандар қайырымдылық жасауда үлкен белсенділік танытады. Өйткені Рамазан - қайырымдылық пен сауаптың айы.
Қасиетті айдың осы берекелі күндерінде ауданның белді кәсіпкерлері мен шаруа қожалықтарының басшылары қайырымдылық акциясына қолдау көрсетіп, Көкпекті ауданының орталық мешітінің күмбезін қайта жаңартып, төбесін жөндеуге қаражат бөлу туралы шешім қабылдады. Осындай іске ұйытқы болған ауданның белсенді азаматы «Елім-ай Көкпекті» ЖШС басшысы Болат Мигржұлы Бекбердинов болды.
Жұмысқа барлығы 17 миллион теңге қажет. Біздің жанашыр жерлестеріміздің күшімен қазіргі уақытта 12 миллион теңге жиналды. Жөндеу жұмыстары қызу жүріп жатыр, құрылыс жұмыстарымен Ресейден арнайы шақырылған мамандар айналысуда. Жөндеу жұмыстарын аяқтау көктемнің соңына белгіленген.
Әлемде Мұхаммед Пайғамбардың қаншалықты жомарт және қамқор екенін білмейтін мұсылман жоқ. Қасиетті Құран адамдарды бауырмалдыққа, ізгілікке шақырады. Осы қасиетті айда өткізілген қайырымдылық акциясы - соның айқын дәлелі.
Пікір:
ВКонтактеРедактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің редакторы Ф.М.Таянкенов.
Қаралым санағы
Біз әлеуметтік желідеміз
