Материалдар

Құрметті аудан тұрғындары!
Қадірлі еңбек және тыл ардагерлері, аға буын өкілдері!

Дәстүр бойынша 1 қазанда бүкіл әлемдік қауымдастық Халықаралық қарттар күнін атап өтеді.
Бұл мереке аға ұрпақтың қоғам өміріне қосқан үлесіне шынайы ризашылық білдіретін және ардагерлерге қамқорлық көрсететін күн болып табылады. Қарттарға қамқорлық – біздің халқымыздың санасына терең сіңген қасиет. Мемлекет басшысы Қасым-Жомарт Тоқаевтың бастамасымен жүргізіліп жатқан реформалар да халықтың әл – ауқаты мен әлеуметтік жағдайын көтеруге бағытталған.
Біз, сіздердің балаларыңыз бен немерелеріңіз, тәлімді тәрбие, сапалы білім беріп өсіргендеріңіз үшін, өмірдің небір қиындықтарын қайыспай жеңе білуге және жеңістерге шаттана білуге үйреткендеріңіз үшін зор алғысымызды білдіреміз. Ендігі жерде біздің перзенттік парызымыз – тек мерекелерде ғана емес, сіздерді әр күні қамқорлыққа алып, көмек көрсету болмақ. Жыл сайын біз қарттарға арналған әлеуметтік қызмет түрлері мен көмек жолдарын жетілдіруге ерекше мән беріп келеміз. Ардагерлерге арналған мекемелердің материалдық-техникалық базасы нығая түсуде, үйде көрсетілетін әлеуметтік көмек бөлімдері жетілдіруде. Ұлы Отан соғысының ардагерлеріне, олардың тұрғын үй мұқтаждықтарына да ерекше көңіл бөлінуде.

Қымбатты ардагерлер!

Бүгінгі таңда жүріп жатқан індет бізді қарттарға құрметпен қарауымызға, қамқорлыққа алуға үйретті. Сіздердің келешек ұрпақ үшін жасаған бар жақсылықтарыңыз үшін шынайы алғысымызды білдіреміз. Сіздерге зор денсаулық, көтеріңкі көңіл күй, отбасыларыңыз бен замандастарыңыз арасында атап өтетін мереке күндері көп болсын деп тілейміз. Егде тартқан жастарыңыз еңселеріңізді түсірмей, өмірлік күш-қуаттарыңыз ұзағынан болғай! Баршаңызға мықты денсаулық, көтеріңкі көңіл күй, ұзақ ғұмыр тілейміз!

С.Садуақасов, аудан әкімі
Т.Сарманов, аудандық мәслихат хатшысы

Пікір: