Материалдар

Қыркүйек айының 12-і жұлдызы ауылымызда күздің алғашқы жәрмеңкесі болып өтті. Дәстүрге айналған жәрмеңке өткен сенбі күні әуенге толы «Ұлы Дала Елі» алаңында ұйымдастырылды. Көптен күткен ауыл шаруашылық өнімдері жәрмеңкесіне жиналған халық қарасы қалың болды.
Сауда шарасына ауданымыздың барлық ауылдық округтері - Теректі, Тассай, Шұғылбай, Биғаш, Көкжайық, Үлкенбөкен, Үлгілімалшы, Көкпекті және Қ.Аухадиев ауылдары қатысты.
Жәрмеңкеге аудан әкімі Серікқазы Садуақасов арнайы барып, сатылымдағы өнімдердің бағасымен танысты. Сатушылармен сауда жайлы әңгімелесті.
Кәсіпкерлік және туризм бөлімі ұсынған ақпаратқа сәйкес, сатылған ірі қара етінің жалпы көлемі 2,7 тонна, жылқы еті - 400 кг, қой еті - 650 кг, балық - 450 кг, бал - 950 кг, сүт - 460 л, картоп - 4 тонна, қырыққабат- 3,5 т, сәбіз - 1,8 т, бұрыш - 653 кг, пияз - 9 т, қызанақ - 1 т, тартылған балық -270 кг, сары май-50 кг, 3100 жұмыртқа, қаймақ - 40 л, құрт - 53 кг, ірімшік - 20 кг.
Үлгілімалшы ауылдық округі тауарлардың кең түрін ұсынды. Олар сары май, картоп, сондай-ақ қой мен сиыр етін сатты. Сонымен қатар, жәрмеңке кезінде Үлгілімалшы тұрғындары сиыр етіне жеңілдік жасап, оны келісін 1700 теңгеден сатты.

Ауыл шаруашылық өнімдері әсіресе, жұмыртқа, сүт, картоп, ет тауарлары сұранысқа ие болды.
Теректі ауылдық округі сан алуан сүт өнімдерін, сиыр, үйрек, жұмыртқа, нан-тоқаш, сондай-ақ «Кобра» деп аталатын табиғи дәмдеуіштерді әкелді.
Шұғылбай округі өздерімен бірге жылқы еті, балық, құрт, ірімшік және сары май сынды тамақтармен қамтамасыз етті.
Қалған аудандар да осындай ассортименттерді сатылымға шығарды.
Көптеген өнімдер қолжетімді бағада болды. Кейбір өнімдер көтермелі бағада сатылымға қойылды. Мысалы, сары май, тартылған ет, құрт тауарлары.
Сатып алушылардың назарын жергілікті өндіруші - «Алтай Балы» ЖК бал өнімдері аударды. Бал бағасы 1000-1300 теңге аралығында болды.

Пікір: