Материалдар

Қазақстан Республикасының Бас мемлекеттік санитарлық дәрігерінің «Карантиндік шараларды күшейту туралы» 20.04.2020 жылғы қаулысы негізінде коронавирустық инфекцияны экспресс-тестілеу бойынша түбегейлі қадамдар жасалды.
Бұдан бұрын хабарлағанымыздай, Көкпекті ауданындағы меди-циналық мекемелерде тегін экспресс-тест жүргізіледі. Мысалы, «Көкпекті ауданының № 2 аудандық ауруханасы» ағымдағы жылдың 24 сәуірінде 425 дана экспресс-тест алды.

Дәрігер-эпидемиолог Нұрлыга Уаисованың ақпараты бойынша, жалпы аймақта жағдай тұрақты. 2020 жылдың 5 мамырына дейін коронавирусқа дертіне қатысты 246 зерттеу жүргізілді. Олардың барлығы теріс нәтиже берген. Тексерілуден бірінші кезекте жедел жәрдемнің, емханалардың, стационарлардың медициналық қызметкерлері, ЖРВИ мен тұмаудың белгілері бар тұлғалар, жергілікті органдардың, азық-түлік, дәрі-дәрмек сататын сауда объектілерінің қызметкерлері өтті.
Сондай-ақ төмендегідей қауіпті ауру белгісі бар пациенттерге тестілеу жүргізіледі: жүрек-қан тамырлары, тыныс алу жүйелерінің созылмалы аурулары бар адамдар және егде адамдар, сондай-ақ стационарға түсетін жүкті әйелдер.
Экспресс-тест барлық тұрғындарға жасалмайды, ол тек қауіпті аймақта немесе COVID-19 ауруларымен байланыста болған адамдарға ғана арналған.
Экспресс-тест – бірнеше реагенттер салынған тест-жолағы бар бір реттік пластикалық құрылғы. Тестілеу үшін күрделі жабдық қажет емес. Талдауға саусақтан қан алынады. Барлық құралдар стерильді және бір реттік қолданысқа лайықталған. Нәтижені 15 минут ішінде алуға болады, бұл өте оңай әрі жылдам.

Қанат Апсадықова

Пікір: