Материалдар

Ағымдағы жылдың 7 ақпан күні аудандық тарихи-өлкетану мұражайында Абай Құнанбаевтың туғанына 175 жыл толуына орай «Хакім Абайдың ұстанымдары – өркениетті мемлекет қағидалары» атты салтанатты шара өтті. 

Іс-шараның мақсаты – қазақтың ұлы ақыны Абай Құнанбаевтың әдеби мұрасын сақтау және насихаттау, жастардың бойында патриоттық сезімді, өз халқының тарихына қатысты көзқарас қалыптастыру, көркем талғамды тәрбиелеу және отандық мәдениет пен өнердің үздік үлгілеріне баулу.
Шақырылған қонақтардың қатарында аудандық білім бөлімінің әдіскері Раушан Қанапиянова, аудандық кітапхана қызметкерлері және мектеп директорларының тәрбие ісі жөніндегі орынбасарлары болды.

Мұражай қорын сақтаушы Клара Смаилованың кіріспе сөзінен кейін "Абай және XXI ғасырдағы Қазақстан" атты презентацияны М.Әуезов атын-дағы орта мектептің ұстазы Мейірлі Жанұзаққызы көрсетті.
Іс-шараның шығармашылық бөлімінде Қ.Аухадиев атындағы орта мектебі, Үлкенбөкен орта мектебі, А.Пушкин атындағы орта мектебі, Көкпекті орта мектебі сынды бірқатар білім орда-ларының талантты оқушылары өз өнерлерін көрсетті. Таңжарық Қалиасқаров, Алуа Ахметкаримова, Еркежан Жексенбаева, Валентина Жакупова, Расул Колдаев, Мөлдір Амангелдинова, Әли Оралғазин есімді жас дарындар ақын әндерін орындап, өлеңдерін, қарасөздерін мәнерлеп оқыды.
Абай – қазақ халқының жаны, ал оның қарасөздері бейбітшілік пен адамдардың мәнін құнды ұғынуға айналды. Абайдың жүз жылдардан кейін даусы өзінің таңғажайып күшін жоғалтпайды, тереңдік пен сан қырлылықпен таңқалдырады: "Бұрынғы біздің ата-бабаларымыздың бұл замандағылардан білімі, күтімі, сыпайылығы, тазалығы төмен болған. Бірақ бұл замандағылардан артық екі мінезі бар екен. Бұл бірлікке ұмтылу және намысқорлық" (отыз тоғызыншы сөз). Абай Құнанбаевтың өмірі мен шығармашылығы, оның тұлғалық қасиеттері қазақ халқының мәдениетін қайта құруға серпін берді. Ол қазақ-тардың дүниетанымына жаңа бейнелер, формалар, сюжеттер, идеялардың ағынын құйды, қазақ мәдениетінің оқшауланудан шығуына ықпал етті, оған дүниежүзілік әдебиеттің әсері арқылы қол жеткізді.
Абай – бүкіл әлем мойындаған дана ұстаз, ақын және адамзаттың данышпаны. Абайдың ұлылығы мен өнегесі - ұлттық рухтың бекемдігін биіктікке көтере алды. Абай тұлғасы қазақтың мақтан тұтуына лайық рухани тірегі.

Виктория ГАРМАШОВА 

Пікір: