Материалдар
Көкпекті ауданында Абай оқулары өтуде
-
Жарияланды 23 Тамыз 2019
-
Қаралды: 1517
Көкпекті ауданына қарасты Самар ауылында талапты жастардың қатысуымен "Абай оқулары" облыстық байқауы өтуде, деп хабарлайды Бұқара.кз сайтының тілшісі.
Аталмыш шара ұлы Абайдың туған күніне орай өткізіліп отыр. Облыс деңгейінде ұйымдастырылған көркемсөз оқуында бас-аяғы 14 адам өз мүмкіндіктерін байқады. Қазақ жазба әдебиетінің негізін қалаушы біртуар тұлғаның түрлі өлеңдерін арқалап келген қатысушылар барын салып орындап бақты. Десе де бірқатар жастар сахнаға көтеріле қобалжып, ойлағанын жеткізе алмай жатты.
Ал Тарбағатай ауданының Ақсуат ауылынан келген Олжас Серікбекұлы жиналған жұртты бір серпілтіп тастады. "Біреудің кісісі өлсе қаралы ол" өлеңін оқығанда шынайы образға еніп талайды тамсандырды. Талантты жастың жетекшісі Бейбіт Құсанбаевтың айтуынша, өлеңді құр оқи салғаннан халық жүрегіне жеткізіп, әсер бере білген әлдеқайда жөн.
- Шәкіртім әзірліктегідей оқып шықты. Қазылар бағасын бере жатар. Осындай өлеңдерді образға кіре отырып жеткізсе, өзіне де үлкен азық, - дейді ол.
Әділхан ЕСІМХАНОВ
http://buqara.kz/post/kokpekti_audanynda_abay_okulary_otude
Пікір:
ВКонтактеРедактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің редакторы Ф.М.Таянкенов.
Қаралым санағы
Біз әлеуметтік желідеміз
