Материалдар
ТҰРҒЫН ҮЙ МӘСЕЛЕСІ БАСТЫ НАЗАРДА
-
Жарияланды 28 Маусым 2019
-
Қаралды: 1449
Ағымдағы жылдың 17-18 маусым күндері Көкпекті және Самар ауылдық округтерінде аудан әкімі Асхат Сайдахметұлы Смаилов сала бөлімдері басшыларының қатысуымен аудан тұрғындарын қабылдады.
Ауыл халқының әлеуметтік-тұрмыстық тыныс-тіршілігін жан-жақты қамтыған бұл қабылдауға 5 адам жазылыпты.
Аудан әкіміне өз талап-тілектерін жеткізген көкжайықтық Данияр Орынбеков пен Өскемен қаласынан келген Гүлжанат Нағышпаевада жер мәселесі болды. Жеке кәсіпкер Даниярды мұқият тыңдаған аудан басшысы еңбек етем деп ерінбегендерге әрқашан қолдау көрсететінін айтты. Ал, әр қабылдауға жиі келетін самарлық Алена Кремер баспана мәселесі бойынша туындаған жағдайын айтты.
Сондай-ақ, қабылдауда тағы да атаулы әлеуметтік көмек мәселесі қаралды. Теректі ауылынан келген көп балалы ана Назира Қалиасқарова аталмыш көмек алуға өтінішін білдірді.
Сонымен қатар, атаулы әлеуметтік көмек тағайындау туралы өтініштер келіп түсті, осындай мәселе Самар ауылындағы қабылдауда өтініш берушілермен көтерілді. Осы мәселе бойынша Жұмыспен қамту және әлеуметтік бағдарламалар орталығының мамандары түсініктеме берді.
Кездесу барысында мүгедектігі бар баланың анасы С.Сарченко шатырдың төбесін жөндеуге қаржылай көмек сұрады. Тұрғын үй-коммуналдық шаруашылықтың теңгерімінде тұрғандықтан, жөндеу жұмыстарымен айналысу керек. Асхат Сайдахметұлы тұрғын үй-коммуналдық шаруашылық, жолаушылар және автомобиль көлігі бөлімінің басшысы Қ.Жылқышевқа тұрғын үй төбесінің жай-күйін көріп, мүмкіндігінше оны жөндеуге көмек көрсетуді тапсырды.
Кездесу соңында аудан әкімі Көкпекті және Самар ауылдарының тұрғындары үшін тұрғын үй тізімін нақтылау бойынша бөлімдердің басшыларына және мамандарға нақты тапсырмалар берді. Үстіміздегі жылдың шілде айында аз қамтылған отбасыларға бос тұрған пәтерлерді қалпына келтіру, коммуналдық қызметтердің балансына түсіп, аз қамтылған отбасыларға қызмет көрсету жұмыстарын жүргізу керек. Қабылдауға келген ауыл тұрғындарын мұқият тыңдаған аудан басшысы, олардың талап-тілектерін назарға алып, заң аясында қарастырылатынын ұқтырды.
Қанат АПСАДЫҚОВА
Клара ҚАЙЫПЖАНҚЫЗЫ
Пікір:
ВКонтактеРедактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің редакторы Ф.М.Таянкенов.
Қаралым санағы
Біз әлеуметтік желідеміз
