Материалдар

Аулалар мен көшелерді санитарлық тазалау – көптеген елді мекендердің өзекті мәселесі. Аудан әкімі Асхат Смаиловтың өкімімен аумақтарды көгалдандыру, абаттандыру және тазалау бойынша іс-шаралар жүргізілуде. 

Көшелердегі тырмамен және сыпыр-ғышпен қаруланған адамдарды көру бір ғанибет. Бірақ, өкінішке орай, Көкпекті ауылының кейбір тұрғындары өз учаскелері мен іргелес аумақтарын тәртіпке келтіруді міндет деп санамайды. Осы сөзіміздің дәлелі ретінде Южная 5 көшесінде орналасқан 36 пәтерлі үйдің ауласын алып қарауға болады.

Бұл үй 2006 жылы күрделі жөндеуден кейін пайдалануға берілді. Ауданның тұрғын-үй коммуналдық шаруашылығы жолаушылар көлігі және автомобиль жолдары бөлімінің берген ақпараты бойынша, мемлекеттік баланста тұрған 36 пәтердің отызында мемлекеттік мекемелер мен бюджеттік ұйымдардың қызметкерлері қоныстанған. Яғни, бұл үйде дәрігер де, мұғалім де, құқық қорғау органдарының да, мемлекеттік қызметкер де тұрып жатыр. Зиялы қауымның нағыз қаймағы осында!

Неге баршаға үлгі болатын маңызды және беделді лауазымда еңбек етіп жүрген адамдар өздері өмір сүретін аумақтың тазалығына жауапсыз қарайды? Әрине, біз көп пәтерлі үйдің барлық тұрғындарына «көпке топырақ шашпаймыз». Бірақ бұл пәтердің қазіргі жағдайына қарасақ тәртіп, тазалық деген бұл тұрғындардың басым көпшілігін алаңдата қоймайтынын растайды.
Алдағы уақытта 36 пәтерлі үйдің аумағын абаттандыруға аудандық бюджеттен қаражат бөлу жоспарлануда. Алайда, бұл жұмысты жүзеге асыру қажет пе? Егер тұрғындар өз айналасындағы қарапайым тазалық пен тәртіпті ұстай алмаса? Қоршаған ортаның тазалығын сақтау туралы өтінішті жергілікті атқарушы биліктің талабы ретінде қабылдау қажет емес. Бұл біздің сіздермен бірге салауатты және бақытты болашағымыздың кепілі. Осы мақалада жерлестерімізге ой салу ниетімен: «Үйің таза болсын десең, аулаңды тазала, ауылың таза болсын десең, көшеңді тазала» деген нақыл сөзді естеріне саламыз.

Виктория ГАРМАШОВА

Пікір: