Материалдар
ӨСКЕМЕН ТҰРҒЫНДАРЫН МОЛ ӘРІ АРЗАН ӨНІММЕН ҚУАНТТЫ
-
Жарияланды 12 Желтоқсан 2018
-
Қаралды: 1409
Тұңғыш Президент күні мерекесінде Көкпекті ауданы облыс орталығында ауыл шаруашылық өнімдері жәрмең-кесін өткізді. Бұл күні Көкпекті ауданының жәрмеңкесінде саудаланған өнімдердің бағасы базарға қарағанда біршама арзан әрі қолжетімді бағада болды.
Мерекелік жәрмеңкеге 17 ауылдық округ өкілдерімен бірге кәсіпкерлер де белсенді атсалысты. Ауа-райының қолайсыздығына қарамастан қалалықтар жәрмеңкеге ерте ағылды. Көкпектіден табиғи таза әрі арзан бағамен өнім келеді деп естіген өскемендіктер әдеттегідей «Fresh Market» сауда кешенінің аумағына көптеп келіп жатты.
- Дәстүрге айналған жәрмеңке біз үшін де маңызды. Аудандағы кәсіпкерлер үшін өнімін өткізуге тамаша мүмкіндік. Тұңғыш Президент күні өткізіліп отырған шара қала тұрғындарына мерекелік көңіл-күй сыйлайды деген сенімдеміз. Көкпекті ауданы ауыл шаруашылық жәрмеңкелерге үлкен үмітпен және бар ынта-ықыласымен атсалысып келе жатыр. Ауылдың сапалы әрі қолжетімді өнімін қала тұрғындарына ұсынуға қашанда әзірміз, - дейді аудан әкімінің орынбасары Дәурен Қойгелдин.
Бұл күні жәрмеңкеде 8 тонна ет өнімдерімен бірге балық, бал саудаланды. Асыл тұқымды «Фацелия» бал шаруашылығының өніміне өскемендіктердің сұранысы жоғары. Шаруашылық басшысы Александр Шаров осындай ірі жәрмеңкелердің тұрақты қатысушысы. Тіпті, кейбір қала тұрғындары Көкпектінің жәрмеңкесіне «Фацелия» балы үшін де арнайы келетіндерін айтып қалды.
Дархан БЕРДІБЕК
Пікір:
ВКонтактеРедактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің редакторы Ф.М.Таянкенов.
Қаралым санағы
Біз әлеуметтік желідеміз
