Материалдар

Аудан әкімдігінің мәжіліс залында № 6 Көкжайық сайлау округінің депутаты Нұрлан Ермектің төрағалық етуімен VI шақырылымдағы Көкпекті аудандық мәслихаттың кезекті тоғызыншы сессиясы өтті. Сессия жұмысына Көкпекті ауданының әкімі Рамиль Сағандыков, Көкпекті ау-дандық мәслихатының хатшысы Т.Сарманов, ауылдық округ әкімдері, дербес бөлім басшылары, аудандық мекемелердің және ұйымдардың басшылары, бұқаралық ақпарат құрал-дарының өкілдері қатысты.
Тоғызыншы сессияның күн тәртібіндегі бірінші мәселе «Көкпекті ауданының 2017-2019 жылдарға арналған бюджеті туралы» аудан әкімінің орынбасары Алмагүл Әкімова баяндама жасады.

Аталмыш мәселе бойынша шешім жобасы бірауыздан қабылданса да, халық қалаулылары тарапынан бірқатар мәселелер бойынша сұрақтар туындады. Заречный сайлау учаскесінің депутаты Александр Бойков Көкпекті ауылындағы балалар және жасөспірімдер спорт мектебінің тәрбиелушілерін транспортпен қамтамасыз ету мәселесін алдыға тартты. Облыстық және республикалық деңгейдегі жарыстарға шығу үшін бүгінгі күні автокөлік жоқ. Өзекті мәселенің оңды шешілуіне баса назар аударған депутаттар аудан басшылығының аталмыш сұрақты шешуге ықпал етуін сұрады.
Аудандық мәслихат хатшысы Талғат Сарманов депутаттық корпустың 2016 жылы атқарған жұмысы туралы есептік баяндама жасады. – Бүгінгі күні аудандық мәслихат депутаттық корпусында 12 халық қалаулысы бар. Алтыншы шақырылымның басынан бастап, аудандық мәслихат 9 сессия өткізіп, онда 73 мәселе қаралды. Депутаттар өңірлік бағдарламалармен байыпты жұмыс жүргізуде, сессияларда оларды қызығушылықпен талқылау, бағдарламалардың іске асырылу барысын тиімді бақылауға мүмкіндік береді. Өңірлік бағдарламалардың атқарылуы депутаттардың бақылауында, - деп тоқталды Талғат Манапұлы.
Тұрақты комиссия жұмысы да жолға қойылған. Есептік кезеңде 8 отырыс өткізіліп, онда 10 қаулы қабылданды. Депутаттық сауалнамалар жолдау бойынша да біздің халық қалаулылары атқарған жұмыстар баршылық. Демеушілік кө-мек көрсетуден де тыс қалып жатқан жоқ. Ағымдағы жылы барлығы 52 жеке қабылдау өткізіп, онда 110 сұрақ қарастырылған. Бұл депутаттар атқарып жатқан жұмыстардың мысалдары ғана. Халық қалаулылары алдағы уақытта да ауданның әлеуметтік-экономикалық дамуы мен әрбір тұрғынның өмір сүру сапасының жақсаруына ықпал ету бағытында аянбай еңбек ете береріне сенім мол.
Сонымен бірге, тоғызыншы сессияның күн тәртібінде тұрғындарды әлеуметтік қорғау, денсаулық сақтау, білім беру, мәдениет, спорт, депутаттық этика және заңдылық туралы тұрақты комиссия төрайымы Елена Сихварт пен жергілікті полиция қызметінің басшысы Ферхат Мавлютовтың атқарылған жұмыс туралы есептік баяндамалары тыңдалды.
Әртүрлі бөлімінде қарастырылған сұрақтардың ішінде біреуіне ерекше тоқталып өткен жөн. Аудандық мәслихат депутаттарының бірауыздан шешім қабылдауымен екі бірдей жерлесімізге «Көкпекті ауданының құрметті азаматы» атағын беру туралы шешім қабылданды. Олар – Ағзамов Мұхамедолла Сағидоллаұлы және Рахимбаев Айдын Жұмаділұлы. Ауданның әлеуметтік және экономикалық өсіп-өркендеуіне елеулі үлес қосып келе жатқан құрметті азаматтардың ересен еңбегі осылайша жерлестері тарапынан лайықты бағасын алды.
Сессия барысында келесі кезекті сессия жұмысының төрағасы сайланды. Қаралған барлық мәселелер бо-йынша бірауыздан сәйкес шешімдер қабылданды.
Дархан БЕРДІБЕК

Пікір: