Материалдар

Көкпекті ауданының мәдениет үйінде Қазақстан Республикасы Тә-уелсіздігінің 25 жылдығына орай, жерлес ақынымыз Қалихан Алтынбаевты еске алуға арналған «Жыр дүлділі - Қалихан» атты жас ақын оқушылардың қатысуымен жыр мү-шәйрасы болды.

Қалихан Алтынбаев - ерекше қа-білеттілігімен, сыршыл сезімталдығы-мен, ойының өрістілігімен, тілінің өт-кірлігімен дараланған ақын. Ол бүкіл саналы ғұмырын ақындыққа арнаған жан. Қалихан Алтынбаев газет тілшісі, бөлім меңгерушісі, редактордың орынбасары болып істеп, қалың бұқараның ортасында жүрді. Ол қайда болса да ел ішіндегі атақты адамдардың үлгілі ісі мен шежірені, бұрынғы ақындардың мұраларын, қағытпа-қайым айтыс өлең-дерін, мақал-мәтелдерді, қысқасы бе-сік жырынан жоқтауға дейінгі әдеби мұраларды жинақтаған. Аудан көлемінде дәстүрлі түрде өтетін бұл жыр додасына Көкпекті, Теректі, Преображенка ауылдарынан жас ақындар бақ сынасты. Ж.Шайжүнісов атындағы орта мектептен 10 сынып оқушысы Іңкәр Дәлелхан мен 9 сынып оқушысы Болатхан Құ-сайынов (жетекшілері Д.Байсеңгірова, Д.Шакербекова), Көкпекті орта мекте-бінен Қорлығайын Мерғали (5 сынып), Қарақат Досанова (5 сынып), Айдана

Ерғазықызы (7 сынып), жетекшілері (М.Құрманғалиева) келсе, Тассай ауылы М.Әуезов атындағы орта мектептен Ақер-ке Қасенова 5 сынып, Олжас Әміров 10 сынып, (жетекшісі М.Капасова) және Теректі ауылы Қ.Аухадиев атындағы орта мектептің 8 сынып оқушысы Арайман Жанар (Ж.Сейтқазы), Преображенка орта мектебінен 6 сынып оқушысы Д.Заурбекова (Д.Ниязбаева) болды. Жыр додасында Қ.Алтынбаевтың шығармасын жатқа айту, ақынға арнау және соңы Тәуелсіздікке арналған жырлары. Мүшәйраға қатысушылар ақын аталарының «Қиял қанатында», «Көркейген менің Көкпектім», «Мың баланың атасы», «Әке эстафетасы» атты өлеңдерін жатқа айтты.
Сонымен қатар, жас ақындар өзде-рінің ақын аталарына және еліміздің тәуелсіздігіне, еліне, жеріне деген жүрек жарды сезімдерін жыр шумақтарымен өрнектеуге тырысты. Өкінішке орай, жарыс болған соң жеңімпазы үздігі болады. Жыр мүшәйрасында жас ақындардың еңбегін бағалап, таразыға салған әділ қазылардың қорытындысы бойынша бас жүлдені Қарақат Досанова алып, 1 орын теректілік Арайман Жанар, 2 орын көкпектілік Іңкәр Дәлелхан, 3 орынды тассайлық Олжас Әміров қанжығалады. Ал, «Ең үздік ақынға арнау» аталымына Болатхан Құсайынов, «Тәуелсіздіктің 25 жылдығына арналған ең үздік арнау» аталымына Дилназ Заурбекова ие болды. Десек те, әділ қазылардың әділ шешіміне наразылық білдірген көрермендер де өкпе-наздарын айтып тарасты.
Көрнекті өнер иесінің артында қалған мұрасын дәріптеу баршамыздың борышымыз. Осындай іс-шаралардың бола-шақ ұрпаққа берер тағлымы мол.
Клара ҚАЙЫПЖАНҚЫЗЫ

Пікір: