Материалдар

Мектеп іші әдеттегідей үзі-ліске шыққан оқушылардың шуылына толы. Міне, сың-ғырлаған қоңырау үні белгі беріп еді жаңағы у-шу сап басылды да оқушылар мен олардың сүйікті ұстаздары кезекті са-бақтарын да бастап кетті. Дәл осы сәттен бастап, мектеп дәліздерін, баспалдақтарын тәртіпке келтіру үшін іске кірісіп кеткен жандар турасында әңгіме қозғамақпыз.
Иә, олар Ж.Шайжүнісов атын-дағы орта мектепте ұзақ жылдар бойы ерінбей еңбек етіп, адал еңбектерінің арқасында бала өсіріп, отбасының ұйтқысы болып жүрген нәзік жанды тазалық сақшылары. Осылай деп атауға үлкен негіз бар. Өйткені, олар балалар сабаққа кіре салысымен мектеп ішін айнадай жарқыратып, ауасын тазартып, келесі үзіліске дейін оқушылардың демалуына қолайлы жағдай жасайды. Балалар үзілісте болған кезді пайдаланып, жаңағы апайларымыз

кабинеттерге тазалық жұмысын жасап үлгереді. Міне, осылайша күнделікті қайталанатын тірлікпен олар оқушының жайлы да таза, жарық бөлмелерде білім алуына жағдай туғызады. Алайда, бұл нәзік жандар өздерінің қаншалықты сауапты іс жасап жүргенін елеп-ескермейді де, өзіміздің күнделікті атқаратын міндетіміз деп түсінеді. Жыл сайын сандаған түлектердің қанатын қатайтып, ойы мен бойын өсіріп, үлкен өмірге аттандыратын қасиетті қарашаңырақтың тазалығын өз үйінің тазалығынан артық көріп, ыстығына күйіп, суығына тоңып, біте қайнасып жүрген аяулы жандар бір-бір үйдің ошағын маздатып отырған асыл аналар, әжелер де. Күнделікті тіршілігін мектепсіз, ондағы оқушылардың сыңғыр күлкісінсіз елес-тете алмайтын техникалық қызметкерлердің арасында Ғалия Жүнісова, Күлзипа Ошанова, Мейрамгүл Дүкенбаева, Айжан Құсайынова 20 жылдан аса еңбек етуде. Қатарға кейінгі жылдары келіп қосылған Алмагүл Әмірхан, Роза Бейсебаева, Бикамал Намазбаева, Бибігүл Раисова, Назым Қадылшинова, Ақерке Майсанбаева да алдыңғы толқын әпкелерінің жолымен өз істеріне ұқыпты, жауапкершілікпен қарайды. Еңбекқор аруларды көктемнің жарқын мерекесі 8 наурыз – Халықаралық әйелдер күнімен құттықтап қоюдың реті келгендей.
Осы бір адам жанына нәзіктік, мейірім, анаға деген сүйіспеншілікті білдіруге мүмкіндік беретін мерекемен Сіздерді шын жүректен құттықтай келе, қажымас еңбектеріңіз үшін сіздерге үлкен алғыс білдіріп, отбасы бақытын және мықты денсаулық тілейміз! Алдарыңыздағы балалардың қызығына тоймаңыздар, өмірлеріңіз шаттыққа толы болсын!
Л.Сәрсенбаева,
Ж.Шайжүнісов атындағы орта мектеп

Пікір: