Материалдар

Қазақстан Республикасының 2015 жылғы 2 қарашадағы «Қоғамдық кеңестер туралы» Заңына, Қазақстан Республикасы Үкіметінің 2015 жылғы 31 желтоқсандағы № 1194 қаулысына сәйкес әрбір коммерциялық емес ұйым мен әрбір азамат Көкпекті ауданының Қоғамдық кеңесінің құрамына бір ғана кандидат ұсына алады.

Қазақстан Республикасының «Қоғамдық кеңестер туралы» Заңының 10-бабына сәйкес Көкпекті ауданының Қоғамдық кеңесінің құрамына кандидаттарға төмендегі талаптар қойылады:

1. Қазақстан Республикасының он сегіз жасқа толған, тиісті әкімшілік-аумақтық бірлік шегінде тұратын азаматы кандидат бола алады.

Кандидат:

1) сотталғандығы болмауы;

2) сот заңда белгіленген тәртіппен сыбайлас жемқорлық қылмыс және (немесе) сыбайлас жемқорлық құқық бұзушылық жасауда кінәлі деп танымаған болуға;

3) психикалық ауруға, алкоголизмге, нашақорлыққа немесе уытқұмарлыққа байланысты денсаулық сақтау ұйымдарында есепте тұрмауға тиіс.

Конкурсқа қатысу үшін:

1) кандидатураны Кеңестің құрамына ұсыну туралы коммерциялық емес ұйымның жазбаша ұсынысы және (немесе) азаматтың өтініші;

2) кандидаттың өмірбаян деректерін көрсете отырып, кәсіптік және (немесе) қоғамдық қызметі туралы мәліметтер.

Жоғарыда белгіленген талаптарға сай келмейтін кандидаттар конкурсқа жіберілмейді.

Көкпекті ауданының мәслихаты ұсыныстарды қолма-қол жазбаша түрде 2016 жылғы 12 ақпанға дейін Ш.Фахрутдинов көшесі 44А, мекенжайы бойынша, This email address is being protected from spambots. You need JavaScript enabled to view it. электронды поштасы арқылы қабылдайды.

Пікір: