Материалдар

6 желтоқсан күні аудан әкімі Д.М.Мусин жұмыс сапарымен Шәріптоғай және Воздвиженка ауылдарында болды.

Шәріптоғай ауылында ол апатты жағдайдағы медициналық пунктті және оған лайықты деп танылған басқа ғимаратты да көрді. Аудандық орталық аурухананың бас дәрігері Р.Сафиоллинова емдеу мекемесін апатты жағдайдағы ғимараттан басқа жерге көшіру бойынша қабылданып жатқан шараларды айтты. Қазіргі күні лайықты деп танылған ғимаратты аурухана теңгеріміне қою үшін құжаттар жасалып жатыр, ал 2015 жылдың бірінші жартыжылдығында оны жөндеуді жоспарлап отыр. Аудан әкімі жаңа нысанды көре тұрып, оның сыртқы және ішкі жұмыстары және абаттандыру бойынша бірқатар тапсырмалар берді.

Воздвиженка ауылында аудан әкімі жақында ғана іске қосылған «Өрнек» ЖШС-нің 430 бас сауынды сиырға арналған тауарлы–сүт фермасын аралады. Бұл ферма екі сауын бөлімі мен зарарсыздандыру және мал төлдететін, бұзау бағатын бөлімдерден тұрады. Бүгінгі күні жауапкершілігі шектеулі серіктестікте 1209 бас ірі қара бар, оның ішінде 507 бас аналық, олардың барлығы осы фермада орналасқан.

ЖШС басшысы Ержан Қойгелдин жұмысшыларымен бірге аудан басшысына ферманы көрсетіп, шаруашылықтың мал шаруашылығын дамыту бойынша әрі қарайғы жоба-жоспарларымен таныстырды. Жобада ферманы ұлғайтып, тағы да 200 басқа арналған сиыр базын салу және сүт сауымын 3 мың литрге жеткізу қарастырылған. Жоба жаңа қолға алынып жатса да, одан көп үміт күтуге болады.

Дүйсенғазы Мағауяұлы бұл мал кешенінің әрі қарай дамуға әлеуеті зор, алайда, бірнеше кедергі бар екеніне тоқталды. – Сіздер барлықтарыңыз да өз істеріңізді жақсы білетін мамансыздар. Сондықтан мал табынын ғылыми жағынан жетілдіріп, тұқымын асылдандыруды қолға алу керек. Қазіргі күні мемлекет ауылшаруашылығы өнімдерін өндіруді ұлғайту үшін барлық мүмкіндіктерді қарастырып отыр, яғни сіздердің тараптарыңыздан өз жоспарларыңызды бүге-шігесіне дейін қарастырып, мал басын селекциялау жүйесін жан-жақты талдауларыңыз, мемлекеттік бағдарламалардың мүмкіндіктерін пайдалануды да ұмытпау керек, - деді аудан әкімі.

Аудан әкімі өзінің ауылшаруашылығы саласы бойынша орынбасары Р.Сағындықовқа және ауылшаруашылығы және ветеринария бөлімінің басшысы Р.Теміржановқа ферманың жұмысын одан әрі жетілдіру бойынша жұмысты қолға алу және шаруашылыққа жан-жақты көмек көрсетуді тапсырды.

ЕкатеринаСКУДАРНОВА

Пікір: