Материалдар

Қазақстан Республикасын қорғау әрбір азаматтың қасиетті борышы және міндеті болып табылады, сондықтан жастарды Қазақстан армиясы қатарына салтанатты түрде шығарып салу игі дәстүрге айналды.
24 қазан күні Көкпекті орта мектебінде «Отаныма қызмет етемін - 2019» атты аудандық іс-шара өтті. Іс-шараға ауданның түпкір-түпкірінен әскерге шақырылу жасындағы жасөспірімдер, олардың отбасы мүшелері, әскерде қызмет ететіндер, сондай-ақ арнайы шақырылған қонақтар қатысты.

Көкпекті ауданының қорғаныс істері жөніндегі бөлімінің бастығы майор Мұхтар Алтынбеков және Жастар орталығының директоры Мағжан Жадрин құттықтау сөз сөйледі. Іс-шара аясында шағын концерттік бағдарлама өтті: балалар патриоттық әндер орындады. Латиф Фахрутдинов атындағы «Жас сарбаз» әскери-спорттық клубының курсанттары қоян-қолтық ұрыс бойынша қойылым, сондай-ақ автоматты жылдам бөлшектеу-жинау дағдыларын көрсетті.
Іс-шараның жағымды бөлігі марапаттау рәсімі болды. Отан қорғаушыларды лайықты тәрбиелегені үшін Көкпекті ауданының қорғаныс істері жөніндегі бөлімі алғыс хат алды. Сонымен қатар, Гүлмира Тәкібасқызы оқушыларға патриоттық тәрбие жұмысына белсене қатысқаны үшін алғыс хаттар табыс етті. Іс-шара қонақтарына болашақ әскерге шақырылушы Нұрәлі Алдажұманов сөз сөйледі:
- Мен Латиф Фахрутдинов атындағы әскери-спорт клубының курсантымын, Көкпекті орта мектебінің 11 сыныбында оқимын. Уақыт келгенде мен де әскерге шақырыламын , онда мен елге қызмет ету үшін күмәнсіз барамын. Денсаулық жағдайына жарамды әрбір өзін силайтын адам әскерге баруға тиіс деп есептеймін. Мен өз мансабымды әскери қызметпен байланыстырғым келеді – шекара әскерлерінде қызмет ету. Мен арманымды жүзеге асыру үшін барлық қажетті ісімді жасаймын.
Ал бүгін әскерге шақырылушылар, болашақ сарбаздар, әскерде қызмет ету – сіздер үшін үлкен құрмет болды. Әрбір адам өз Отанының алдындағы парызын орындауы тиіс. Бүгін керемет мереке. Сіздерді шын жүректен құттықтаймыз, болашақ жауынгерлер. Елге абыроймен қызмет ету, әрдайым өзіне сенімді болу, нағыз шыдамдылық пен үлкен ерік-жігерге ие болу сынды игіліктерді тілейміз. Сіздерге мықты денсаулық, бақыт, сәттілік серік болсын! Өздеріңізді туған-туыстарыңыз мақтан тұтатындай қызмет етіңіздер!

Пікір: