Материалдар

Көкпекті ауданында бүгінгі таңда «Жұмыспен қамтудың жол картасы - 2020» бағдарламасы аясында «Ертіс ӘК ҰК» АҚ арқылы арзан пайызбен алынған несиенің берешек сомасы 601 млн. теңгені құрап, соның ішінде негізгі қарыз 496,1 млн. теңге.
- 2011-2015 жылдар аралығында микро-кредиттердің жалпы сомасы 821,0 млн.теңгеге, 356 борышкерлердің қол қойылған 17 келісім бойынша алынды», - дейді жұмыспен қамту орталығының директоры Р.Баймолдина. Сонымен қатар, бүгінде басты мәселе, алымшылардың қарызын уақытымен қайтармауы, тіпті, қайтару туралы ниеттерінің болмауы болып отыр.
«Жұмыспен қамтудың жол картасы – 2020» бағдарламасы бойынша микрокредиттерді беруге арналған несие берілген несиелік заттың (Несие ұйымы - НҰ) жауапкершілігін көтеру болып саналады. «Банк туралы және банктердің жұмыс істеуі туралы» ҚР заңына сәйкес несие өнімдері жауапкершілікті алуға тиіс. Бұдан басқа, НҰ-мен «Ертіс ӘК ҰК» АҚ -мен келісімшарт жасағандықтан әділетті жауапкершілікті алдын-ала қарастырды.

Қарыздан қашқан борышкерлердің қарызы енді ұйымның жауапты төлемшілеріне ауыстырылады. Бұл дегеніміз, төленбеген қарызды ұйымның басқа мүшесі, яғни, жазықсыз келесі тұлға төлеуі тиіс. Сот шешімі бойынша «Ертіс ӘК ҰК» АҚ заңға енгізілген. Қарызды аларда ойланбаған борышкерлердің зардабы басқа қарызын уақытымен төлеп жүрген жандарға тиетіні өкінішті дейді, - Райхангүл Қапезқызы.
Көкпекті ауданы бойынша барлығы 5 НҰ анықталды. Р.Баймолдинаның айтуы бойынша «Көктеу» НҰ (төрағасы Б.Бабаев) несие берешектері 5,2 млн.теңге болып есептелді. НҰ-ның басты мәселесі 12 несие алушының төртеуі мүлде қарызын қайтармаған. Ал, сегіз мүшесі қарызын мерзімінен бұрын қайтарып тастаған. Алайда, қарыздан қашып жүрген несиелестері үшін қарыздың қамыты әлі шешілмек емес. Жеке мүліктері бұғатталып, бөтеннің қарызы үшін мүмкіндіктері шектелгені, олардың да жүйкелеріне салмақ салып тұрғаны айдан анық.
«Көктеу» НҰ өкілі Р.Жұмагелдинаның айтуынша Т.Зүлфиев, Ж.Құсманов және Б.Жанбөбекова сияқты борышкерлер бизнесінің жүрмей қалғанын алға тартып қарызын қайтара алмайтынын айтқан. Тіпті, несие алушы Б.Жанбөбекова ауданнан көшіп кетіп, Семей қаласында тұрып жатыр. Біз қаншалықты әрекет жасасақ та нәтижеге қол жеткізе алмай отырмыз. Тек бірнеше ескертуден соң ғана 4 борышкердің бірі К.Биқатов қарызын жартылай жаба бастады. Р.Жұмагелдина: - НҰ осы адамдарға сот ісін жүргізуді тапсырды. Алайда сот орындаушылары да нәтиже шығара алмағандықтан осы іс бойынша прокуратура органдарына жүгінуге тура келді, - дейді.
Жалпы алғанда, «Жұмыспен қамтудың жол картасы-2020» бағдарламасы өте тиімді жоба: Адамға өз кәсібін 5 жыл ішінде дөңгелетуге 3 млн. теңге беріледі. Кәсібіңді аяғына тұрғызу үшін жеңілдік 1,5 жыл. Ал, қарыздың көбейіп мәселеге айналмауын қадағалау үшін координаторлар жүйелі жұмыс атқаруы басты мақсат. Егер осындай мәселелер тез шешілетін болса, алмақтың салмағы бар екенін ешкім де ұмытпас еді деп түйіндейік.

Клара ҚАЙЫПЖАНҚЫЗЫ

Пікір: