Материалдар

Жасампаз елдің жастары қандай, олар нені армандайды? Әлемдегі дамыған елдердің қатарына қосылуды мақсат тұт-қан, ширек ғасырда ширап, аз ғана уақытта алдыға қарыштап дамыған Қазақстанның болашағы кімдердің қолында? Бүгінгі жастар үшін ұлттық, елдік, мемлекеттік құндылықтар дегеніміз не? Жас-тарды қандай мамандықтар қызықтырады? Мемлекет жас-тарға қандай жағдай жасады? Жастар мемлекет үшін не істеді? Оларды не ойландырады, не тол-ғандырады? Қандай тың бастамалары мен идеялары бар? Бүгінгі жастардың қолынан не келеді?
Міне, осы сұрақтардың жауабы ағымдағы жылдың 29 қыркүйегінде өткен жастар мәслихатына депутатарды сайлауда шешімін тапқандай. Депутаттықа сайланған жастар жоғарыда айтылған сұрақтарға жау-ап беретініне сенімдеміз. Шығыс Қазақстан облысы бойынша пилот-тық жоба ретінде өткен бұл сайлау туралы Көкпекті ауданы Жас-тар орталығының директоры Азамат Халықов баяндап берді:

- Сайлау өткізу бойынша ау-дандық жоспар құрылып, жұмыс жоспарға сәйкес ұйымдастырылды. Ауданымызға жастар мәслихаты депутаттығына 15 квота бөлінді. Аудан бойынша 17 ауылдық округте 17 сайлау учаскесі және Самар ауылындағы Самар агро-техникалық колледжде сайлау учаскелері жұмыс жасады. Жалпы жұмысты ұйымдастыру үшін аудандық комиссия және барлық ауылдық округтерде комиссия-лар құралды. Сайлауға аудан көлеміндегі 16-29 жас арасындағы жастар дауыс беру арқылы, депутаттарды анықтады. Сайлауға қатысу үшін барлық ауылдық округтерде 3 белсенді жас-тан үміткер болып тіркелді. Аудан көлемінде жастар мәслихатының депутаты болуға 54 үміткер ниет білдірді. Жалпы сайлау аудан деңгейінде жоғарғы денгейде өтті. Жастардың мүдделерін қорғайтын жастар мәслихат депутаттары анықталды. Алдағы уақытта 15 депутат жас-тармен жұмыс жүргізетін болады. Жалпы аудан бойынша 14-29 жас аралығындағы тіркеуде тұрған жастардың жалпы саны 5790 адамды құрайды. Бүгінгі күні ауданда тұрып жатқан және сайлау күні дауыс берген жастардың саны 3145 жас, - деді Азамат Серік ұлы.
Көкпекті аудандық жастар мәс-лихатына депутаттар болып Көкпекті ауылдық округінен Жарбол Алпысбаев және Әлижан Артықпаев, Үлкенбөкен ауылдық округінен Толқын Смағұлова, Қ.Аухадиев атындағы ауылдық округінен Екетерина Скударнова, Теректі және Шұғылбай ауылдық округтерінен Гаухар Елеусізова, Үлгілімалшы ауылдық округінен Ерболат Көкенов, Тассай ауылдық округінен Берик Байгереев, Белое және Бастаушы ауылдық округтері бойынша Мирас Оразбеков, Құлынжон және Мариногорка ауылдық округтерінен Талгат Касаинов, ал Самар ауылдық округі және Самар аграрлық-техникалық колледжі бойынша Самал Айдар-қызы, Ибрагим Сайлаубеков, Палатцы және Сарыбел ауылдық округтері бойынша Виктория Оразаева, Миролюбовка ауылдық округінен Олжас Калелов, Көкжайық ауылдық округінен Дархан Оспанов және Биғаш ауылдық округінен Ринат Бекмұхамбетов сайланды. Біздің ертеңгі күніміздің болашағы - жастар екенін білеміз. Сондықтан, аудандағы жастар мәслихатындағы депутаттар біздің ертеңімізді жалғастыратын, жасампаздық эстафетасын қабылдап алып, алға қарай қарыштап, жылжып, істерімізді одан ары дамытып, елге танытатын ұрпақ.
Қорытындыда Нұрсұлтан Әбіш-ұлының мына бір сөздерін алға тартпақпыз: «Әлемнің әміршісі - еңбек. Тек еңбекпен ғана жеміс өнбек, тек еңбек қана бар қиындықты жеңбек». Елбасымыз баршамызды ел игілігі жолындағы еңбекке шақырады, бүгінде еңбек шешуші ұлттық фактор екенін ұғындырады. Еліміз үшін, ауданымыздың гүлденуіне үлес қосып еңбек етейік, ел болашағының туын көкке желбірететін ауданның жастар қауымы!

Клара ҚАЙЫПЖАНҚЫЗЫ

Пікір: