Мамыр 2022
05 Мамыр 2022
ЧЕМПИОН ШЫҢҒЫС АУДАН АЗАМАТАРЫНЫҢ АҚ БАТАСЫН АЛДЫ
- Article Details
Кез келген мектеп оқушысы бала кезінен табысты болғысы келетін шығар: біреу оқуда, біреу құрдастарымен қарым-қатынаста, біреу спортта. Нағыз спортшы болу, атақты тұлғалардан үлгі алып, олардың бойындағы ең жоғары жағымды қасиеттерді сіңіріп, мақсатқа жетуге деген құштарлықты оятады.
Міне, ауданымыздың осындай мақтанышы, Қазақстан Республикасының спорт шебері, еркін күрестен Азия, Түркия, Италия, АҚШ-та өткен әлем турнирінің чемпионы, Шығыс Қазақстан облысының бірнеше дүркін чемпионы - Шыңғыс Мұхаметқалиұлы Мұхаметқалиев.
Шыңғыс 2000 жылы 5 қыр-күйекте Көкжыра ауылында көп балалы отбасында дүниеге келген. Оның бес ағайын- әпкесі бар. Ата-анасы – жеке қосалқы шаруашылықпен айналысатын, балаларын әдепті де, адал адам етіп өсірген қарапайым ауыл тұрғындары.
ҰЛТТАР АРАСЫНДАҒЫ ДОСТЫҚ ШЕЖІРЕСІ
- Article Details
Қазақстан түрлі ұлт пен ұлыс өкілдерінің мекеніне айналды. Барлық этностар мен ұлт өкілдері тәуелсіз қазақ елінде бейбіт өмір сүруде, ал елімізде қоғамдық келісімнің қазақстандық үлгісі қалыптасқан.
Қазақстан халқының бірлігі күні - халқымыздың ең сүйікті мерекелерінің бірі. Біздің мемлекетімізде әр түрлі ұлт өкілдері бейбіт және татулықта өмір сүреді. Халықтар бірлігі-еліміздің басты жетістігі.
Мереке қарсаңында біз аудандық газет оқырмандарын әр түрлі тарихи себептерге байланысты тағдырын біздің ауданмен байланыстырған жерлестер өмірімен таныстырамыз.
Осы мақаламызда Көкпекті ауылының байырғы тұрғыны Владимир Емельянович Гильц туралы сыр шертетін боламыз. Бұл кісіні Көкпекті ауылының тұрғындары жақсы таниды.
Владимир Емельянович 1941 жылы Украинаның Запорожье облысы, Новониколаев ауданы, Листовка ауылында дүниеге келген. Сол жылы немістерді Украинадан күштеп жер аудару басталды. Жазықсыз адамдарды үйлерінен шығарып, өздерімен бірнеше сөмке мен чемодан ғана алуға рұқсат беріп, мыңдаған шақырым жерге жер аударып тастады.
Гильц отбасының ұлты неміс болғандықтан, бөлінуге мәжбүр болды. Кішкентай Вова мен оның әпкесі Эльзаны Оңтүстік Қазақстанға (Қызылорда қаласына) жіберді. Ағасы Александр Кемерово облысының Киселевск қаласына (Ресей) келді, ал басқа ағасы Емельян Ресейдің Тула қаласында қалды.
АЗЫҚ-ТҮЛІК БАҒАСЫНА БАҚЫЛАУ КҮШЕЙТІЛДІ
- Article Details
25 сәуір күні кезекті аудандық әкімдік отырысы өткізілді. Көкпекті ауданының әкімі Раджан Сейтқанов төрағалық еткен отырыстың күн тәртібінде бірқатар өзекті мәселелер талқыланды. Әкімдік отырысына аудан әкімінің орынбасарлары, мәслихат хатшысы, дербес бөлім басшылары, ауылдық округ әкімдері, мекеме және ұйым басшылары қатысты.
Күн тәртібінде бекітіліген негізгі мәселелер бойынша баяндамалар тыңдалып, қосымша ақпараттар ұсынылды. Бірінші сұрақ ауданның агроөнеркәсіптік кешенін дамыту барысы туралы баяндамашы толық дайын болмауы себебінен кейінге қалдырылды.
Облыстық және аудандық маңызы бар автокөлік жолдарын дамыту және жөндеу туралы тұрғын үй коммуналды шаруашылығы, жолаушылар көлігі және автокөлік жолдары бөлімінің маманы Дәурен Жәнібек баяндама жасады.
- Аудандық маңызы бар жолдарды жазғы уақытта күтіп ұстау мақсатында құм-қиыршықтас қоспасын төгу, пішіндеу және грейдерлеу, ағаштарды тамырымен жұлу жұмыстары жоспарланды. Аталған жұмыстарға аудан бюджетінен 35850,0 мың теңге қаражат бөлінді. Сондай-ақ республикалық маңыздағы Омбы-Майқапшағай жолында қайта жаңғырту жобасы іске асырылуда, - деді баяндамашы.
БАТЫР АТА ОКРУГІНДЕГІ БЕРЕКЕЛІ ІСТЕР
- Article Details
26 сәуір күні аудан әкімі Раджан Сейтқанов жұмыс сапарымен Қойгелді Аухадиев атындағы ауылдық округіне барды. Аудан басшысы биылғы жылы құрылысы аяқталатын су құбырлары желілерін тарту жобасының жүзеге асырылу барысымен танысты. Сондай-ақ, Раджан Қайрқанұлы көктемгі су тасқынында қарғын су кірген Достық көшесін аралап, «Өрнек» ЖШС базасында болды.
Кеңес Одағының Батыры Қойгелді Аухадиев атындағы ауылдық округі ауданда Көкпекті мен Самардан кейінгі халық ең көп қоныстанған ең ірі округтердің бірі. Бүгінгі күні округ аумағында 1267 адам тұрады. Бірінші кезекте Батыр ата атындағы ауылдық округ көпшілікке сүт бағытындағы мал шаруашылығымен айналысатын «Өрнек» жауапкершілігі шектеулі серіктестігімен танымал.
Округ орталығы Преображенка ауылында су құбыры желілерінің құрылысы жобасы жүзеге асырылуда. Аудан әкімі жұмыс сапарын аталмыш жобаға жауапты мердігер ұйым «КиікбайСтройСервис» ЖШС басшысы Қайрат Жұмсабаевпен кездесуден бастады.
Редактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің редакторы Ф.М.Таянкенов.
Қаралым санағы
Біз әлеуметтік желідеміз
