17 Ақпан 2020

АЛАҢДА – МЕМЛЕКЕТТІК ҚЫЗМЕТКЕРЛЕР

Article Details

Ағымдағы жылдың 7 ақпан күні Көкпекті орта мектебінде ауданның дене шынықтыру спорт бөлімінің ұйымдастыруымен әкімшілік мемлекеттік қызметкерлер арасында волейболдан жарыс өтті.

Мемлекеттік қызметкерлер арасында салауатты өмір салтын насихаттау мақсатында ұйымдастырылған жарысқа Көкпекті, Аққала, Сарыбел, Палатцы, Үлкенбөкен, Бастаушы, Құлынжон, Қ.Аухадиев, Көкжайық ауылдық округ әкімшілігінен құралған және аудандық Қазынашылық бөлімінің командасы қатысып тамаша ойын өрнегін көрсетті.

Read more

"АБАЙ ЖОЛЫ" БІЗДІҢ ӨТКЕНІМІЗ БЕН БОЛАШАҒЫМЫЗ

Article Details

Ағымдағы жылдың 7 ақпан күні аудандық тарихи-өлкетану мұражайында Абай Құнанбаевтың туғанына 175 жыл толуына орай «Хакім Абайдың ұстанымдары – өркениетті мемлекет қағидалары» атты салтанатты шара өтті. 

Іс-шараның мақсаты – қазақтың ұлы ақыны Абай Құнанбаевтың әдеби мұрасын сақтау және насихаттау, жастардың бойында патриоттық сезімді, өз халқының тарихына қатысты көзқарас қалыптастыру, көркем талғамды тәрбиелеу және отандық мәдениет пен өнердің үздік үлгілеріне баулу.
Шақырылған қонақтардың қатарында аудандық білім бөлімінің әдіскері Раушан Қанапиянова, аудандық кітапхана қызметкерлері және мектеп директорларының тәрбие ісі жөніндегі орынбасарлары болды.

Read more

ЕРЛІКТЕРІ МӘҢГІ ҰМЫТЫЛМАЙДЫ

Article Details

Осыдан 31 жыл бұрын Ауғанстандағы онжылдық соғыс біткен болатын. Алайда, Отанымыздың тарихында маңызды рөл атқарған осы оқиғалар сипатталмаған. Тарихты білу қажет, оны білмейтіндер өткендегі адамзат қателіктерін қайталауға мәжбүр болады. Өткен аптада Көкпекті ауданының тарихи-өлкетану мұражайында Кеңес әскерлерінің Ауғанстан жерінен шығарылу күніне орай жерлес интернационалист жауынгерлерге арналған ерлік сабағы өткізілді.

Read more

АУҒАН ЖАРАСЫ ЕЛ ЖҮРЕГІНДЕ

Article Details

Соғыс біздің планетамызда ерте заманнан бері тоқтаусыз жүріп жатты. Ал соғыс жолы үрейге толы. Бұған дейінгі кез келген соғыстай Ауған соғысы да тарих қатпарына енді. Ешкімге де ешқашан жарияланбаған, ерлік дас-таны мен халық қайғысын арқалаған Ауған соғысы Ұлы Отан соғысына қарағанда 2 есе ұзақ уақытқа созылды.
Жат өлкедегі қатыгез соғыс біздің халқымызға орны толмас қайғы-қасірет мен мұң-зар әкелді. Бірақ Ауғаныстанда кеңес жауынгерлері батылдық, төзімділік, мейірбандық көрсете білді. Сол соғыс батырларының есімдері еліміздің жылнамасынан мәңгілікке өшпестей орын алды.
Ауған соғысының аяқталғанына да 31 жыл болыпты. Өз отбасына оралған сарбаздар мен офицерлердің жарасы да жазылып, елінің даңқты ұлдарына айналды. Бірақ сол соғыс туралы естеліктер әлі жадымызда. Бұл соғыс оқиғаларын жылдар да, қашықтықтар да, адам жады да өшіріп тастауға қауқарсыз. Ерлік аңыздары ешқашан ескірмейді, себебі Ауған жерінде соғысқандар мен олардың қанды естеліктері жадымызда. Қаза болғандар туралы қасиетті естеліктерді жолдастары, отбасылары мен жақындары мәңгі есінде сақтайды.
2020 жылдың 14 ақпанында Самар ауылының Ауған соғысы құрбандары саябағында Кеңес әскерлерінің Ауғаныстаннан шығарылғанына 31 жыл толуына орай қаза тапқан жауынгерлерге арналған гүл шоқтарын қою рәсімі өтті. Кездесуге осы бір отты аймақта өткен дабыл мен қатерге толы жылдарды артта қалдырып, Ауғаныстан жеріндегі жауынгерлік борышын өтеп елге оралған Көкпекті және Самар ауылдарының соғыс ардагерлері, қоғамдық мекемелер мен ұйымдардың өкілдері, колледж студенттері, мектеп оқушылары шақырылды.

Read more

МЕМЛЕКЕТ БАСШЫСЫ «BIRGEMIZ» АТТЫ РЕСПУБЛИКАЛЫҚ ВОЛОНТЕРЛЕР ФРОНТ-ОФИСІНІҢ АШЫЛУ РӘСІМІНЕ ҚАТЫСТЫ

Article Details

Қазақстан Президенті волонтерлік жобаларды үйлестіретін әрі қоғамдық мониторинг жасайтын және волонтерлікті бүкіл еліміз бойынша оқытып, насихаттайтын фронт-офистің жұмысымен танысты.  Сондай-ақ Мемлекет басшысына «Qazvolunteеr.kz» онлайн-платформасы көрсетілді.

Қасым-Жомарт Тоқаев өз сөзінде Волонтер жылында көптеген ауқымды жобалар қолға алынатынын атап өтті.
– Игі іспен айналысу, адамдарға жақсылық жасау – көне заманнан келе жатқан дәстүр. Бұл дәстүрді міндетті түрде сақтап қалуымыз керек. Себебі біреуге қол ұшын созып, қолдау көрсету – қанымызға сіңген қасиет. Халқымызда осындай береке-бірлікке шақыратын АСАР дәстүрі бар. Бұл – ғасырлар бойы құндылығын жоймаған ата салтымыз. «Жұмыла көтерген жүк жеңіл» дейді халқымыз. Волонтерлік қызметтің басты мақсаты да – бірге жұмылып, халыққа қызмет ету, – деді Мемлекет басшысы.
Президент қиын-қыстау уақытта Қазақстанға жер аударылып келген көптеген ұлт өкілдерін қазақ халқы бауырына басып, бір үзім нанымен бөліскенін атап өтті.
– Волонтерлік нақты істермен көрінетін патриотизмнің жоғары деңгейін білдіреді. Отанға деген махаббат үлкен ұрандар мен бос декларациялар емес, бұл – күнделікті еңбек, соның ішінде халықтың игілігі үшін шынайы атқарылатын қайырымды істер. Бұл – күнделікті еңбек, бұл – адамның болмысы, бұл – терең білім, жоғары мінез-құлық мәдениеті. Өзгенің дүние-мүлкіне қол сұғатын, тонаушылықпен айналысатын, жалған патриоттық ұрандарды тарататын адамдар патриот емес екенін түсінуіміз керек. Мұндай адамдар заң бұзған болып саналады, яғни, олар – қылмыскерлер, қылмыстық элементтер. Сондықтан олар қоғам мен мемлекет алдында заңға сәйкес жауап беруі тиіс, – деді Қасым-Жомарт Тоқаев.
Оның айтуынша, патриотизм, қоғамға қызмет ету және игілікті іс – адамның тұлғалық және рухани дамуының жоғары деңгейінің жарқын көрінісі.
– Волонтерлік қызмет реформаларды жүзеге асыруда, жалпы мемлекетімізді жаңғыртуда маңызды рөл атқарады. Яғни, волонтерлер өздерінің іс-әрекетімен аса маңызды реформаларды жүзеге асыруға нақты үлес қосады. Еңбекқорлық, әлемге ашықтық арқылы біз озық технологияға және жоғары еңбек өнімділігіне негізделген жаңа экономика құра аламыз. Волонтерлік идеясын белсенді ілгерілету отандастарымыздың ой-санасының жаңа парадигмасын жаңғыртуға ықпал ететін болады, – деп атап өтті Қазақстан Президенті.

Read more