23 Қаңтар 2017

МОБИЛЬДІК ҚОСЫМШАҒА ТҮСІНІКТЕМЕ БЕРДІ

Article Details

Көкпекті ауданы прокуроры Бақытбек Батанұлы Қарымсақов 2017 жылдың 11 қаңтарында Самар және Көкпекті округі тұрғындарымен өткен кездесуде «Прокурордың 100 кеңесі» атты мобильдік қосымшаның жарыққа шыққаны жайлы хабарлады.
- «Прокурордың 100 кеңесі» мобильдік қосымшасы азаматтардың құқықтық мәдениетін арттыруға бағдарланған. Жинақтың мақсаты – түрлі құқықтық жағдайларға тап болған адамның қауіпсіздігін қамтамасыз ету, сол уақытта өзін қалай ұстау керектігін, өз құқықтарын, жақындарының мүдделерін қалай қорғау керектігін көрсету. 9 тараудан тұратын кітаптан күнделікті өмірде әртүрлі мәселелер туындаған сәттерден қалай дұрыс шығу туралы кеңестер қамтылған. Мәселен, отбасындағы, бизнестегі қарым-қатынастар, өзіңді алаяқтардан қалай қорғау қажет, тұрмыстық зорлық-зомбылықтың алдын-алу, шағым беру тәртібі, терроризм мен экстремизм туралы нені білу керек, құқыққорғау және сот органдарының өкілдерімен өзіңді қалай ұстау қажет екені туралы білуге болады, - деді Бақытбек Батанұлы.

Read more

БЕЛСЕНДІ ЖАСТАР БАС ҚОСТЫ

Article Details

Қай істің болса да басында жастар жүреді. Жастар орталығы осы істердің ұйытқысы іспеттес. Өткен жылда атқарылған жұмыстар бағаланып, болашақ бағыт-бағдар айқындап алуды мақсат еткен Жастар орталығы жастардың басын қосып, келелі кеңес өткізді. Қамтып отырған тақырып ауқымы да қомақты. Жастар саясатын аудан көлемінде жүзеге асыру барысы талқыланды.
Жастар орталығының атқарып келе жатқан істері игі нәтижелерін беруде. Белсенді жастарды бір жерге шоғырлаған орталық қазіргі таңда нақты әлеуметтік мәселелердің шешу жолдарын іске асыруда.
Атап өтсек, жастардың бастамасымен “Дипломмен ауылға”, “Жастар Отанға”, “Қазақша сөйлесейік!”, «Үлкенге құрмет» атты жобалар көпшілік арасында кең қолдау тауып келеді. Жастардың саяси, экономикалық, әлеуметтік және тағы да басқа құқықтарын жүзеге асыруды мақсат еткен белсенділер жас-тар арасында жауапкершілікті, іскерлікті, белсенділікті нығайту барысында алуан шараларды ұйымдастыруды жоспарлап отыр.
Жастар орталығына жаңадан сайланған басшы Азамат Халық бұл кездесудің алда атқарылар үлкен істердің бастауы екенін жеткізді. Азаматтың айтуы бойынша, шараның басты мақсаты – ауыл жастарының өзекті мәселелері мен сұрақтарын ортаға салып, шешу жолдарын қарастыру, аталған бағыттағы атқарушы органдар мен үкіметтік емес ұйымдардың бірлескен іс-әрекетін үйлестіру, жастарды әлеуметтік қолдау, олардың арасында мемлекеттік бағдарламалар мен жобаларды түсіндіру және жүзеге асыруда жастардың қоғамдық белсенділігін арттыру.
Сонымен бірге, кездесу барысында кешкі уақыттағы кезекшілік мәселесі қызу талқыланды. Жас ұстаздар мен ішкі істер бөлімінің қызметкерлері бірігіп атқаратын кезекшілік шарасының тиімділігін арттыру мәселесі көтерілді. Ауданымыздың бас имамы, жастар орталығының маманы Нұрнәсір Дүйсен имандылық тақырыбында сөз сөйлеп, елдің ішінде береке-бірлікті сақтау жолында аянбай еңбек етуге шақырды. Кәмелеттік жасқа толмағандар ісі жөніндегі учаскелік инспектор Назерке Советханова да ойын ортаға салып, аталмыш мәселеде кездесетін қиындықтармен бөлісті. Учаскелік инспектордың көтеріп отырған мәселесі бүгінгі күні аудан орталығында жасөспірімдер құқықбұзушылығының алдын алу жұмысын жандандыру қажеттілігін көрсетеді. Ауылдық округтің жастар ісі жөніндегі маманы Мадина Құмарова спортпен қамту бойынша туындайтын мәселелерді ортаға салып, жастардың басын біріктіруде ұйымшылдықтың керектігіне назар аударды.
Бастама бар, бағыт айқын. Бірлігімен қашанда танылып келе жатқан көкпектілік жастардың ағымдағы жылы атқарар жұмыстарына тың серпін берер көшбасшылар да жеткілікті. Тек қана, ұйымшылдықпен жұмыла жұмыс істеу қажет. Сонда ғана, біздің жастар биік белестерді бағындырары сөзсіз.

Дархан БЕРДІБЕК

Read more

ОКРУГ ӘКІМДЕРІ ЕСЕП БЕРУДЕ

Article Details

Тұрғындар мен билік арасындағы байланыстың бір көрінісі – есептік кездесу. Өйткені, мұнда халық өңірдің дамуы, экономикалық жетістіктері мен алдағы жоспарлары туралы мәліметтерден биліктің өз аузынан хабардар болады. Сондай-ақ, өздерінің ұсыныс-талаптарын ортаға салуға мүмкіндік алады.
«Жергілікті атқарушы органдар басшыларының халық алдындағы есептік кездесулерін өткізу туралы» Қазақстан Рес-публикасы Президенті Н.Ә.Назарбаевтың Жарлығына сәйкес, Көкпекті ауданында Көкжайық, Палатцы, Мариногорка, Қ.Аухадиев, Белое ауылдық округтерінде 16 қаңтар күні есептік жиындар бастау алып, Теректі, Биғаш, Сарыбел, Бастаушы, Миролюбовка, Белое, Үлгілімалшы және Тассай ауылдық округінде жалғасын тапты.

Read more