Қыркүйек 2015

АЛАР АСУЛАРЫҢ БИІК БОЛСЫН!

Article Details

Таэквон-до – қазақша қайырсаңыз, аяқпен төбелес. Боксшылардың шаршы алаңда қос қолы шоқпардай сілтенсе, таэк-вондошылардың қос аяғы кезек-кезек қар-сыласының төбесінде жасындай ойнайды.
Осы жекпе-жектің біздің өңірімізде де қарқынды дамуда. Оның жоғары дәрежеде болуына бапкер Бақыт Ғазизиұлының зор үлес қосып жүргенін айта кеткен жөн. Семей қаласында қыркүйек айының 19-20 күндері орын алған аталмыш жарыста да Бақыт Ғазизұлы Рахимовтың шәкірттері қатысып, өз шеберліктерінің басым екендігін байқатты. Өздерінің салмақтарына қарай жұп-жұпқа бөлініп, белдескен олардың барлығы да намысты қолдан бермеуге тырысып, аянбай айқасты. Турнир өз мәресіне жеткенде барлық қатысушылардың арасында жеңіске жетіп қуанғандары да болды. Дегенмен, бұл жарысқа Семей, Бесқарағай, Курчатов, Өскемен қалаларынан келген жас спортшылардың өз деңгейлерінің қандай дәрежеде екендігін анықтауға көп пайдасын тигізді деуге болады. Ал, біздің ауданның жас жеткіншектері өздеріне артылған үмітті ақтап, жеңіс тұғырынан көріне білді. Атап айтар болсақ, жарыста 1 орында Р.Байсақов, Ж.Смағұлов және А.Әсенов алса, 2 орын Э.Саненов, А.Бойковтың еншісіне тиіп қола медалін алды. Ал, 3 орынды Е.Зияш, Ж.Миғраш, Е.Бауыржановтар қанжығаларына байлады. Енді жас таэквондашылар Новосибирскіде қазан айында өтетін халықаралық жарысқа жолдама алды.
Ауданымыздың осындай бағына бабы сай келетін патриот, спортсүйер жастары бар кезінде, спорттық додаларда алар асуларымыз да биік болады деген сенімдеміз.

Клара ҚАЙЫПЖАНҚЫЗЫ

Read more

ҚАЗАҚ МЕМЛЕКЕТІН НЫҒАЙТУДАҒЫ ТӘУКЕ ХАННЫҢ СОТ-ҚҰҚЫҚТЫҚ РЕФОРМАСЫ ЖӘНЕ «ЖЕТІ ЖАРҒЫ» ЗАҢДАР ЖИНАҒЫ

Article Details

Тәуке хан өз дәуірінде қазақ, орыс, қытай, жоңғар және басқа шығыс халықтарының тарихында ірі қайраткер, көрнекті қолбасшы ретінде елеулі орын алған. Ол өз еліне хан сайланған заманда дипломат-мәмілегер, данышпан, айлакер қолбасшы, дәстүрлі құқық жүйесінің реформаторы және ұлтының бірлігі мен жерінің тұтастығын сақтауға жан аямай күш салған ірі мемлекеттік тұлға ретінде танылды.
Тәуке ханның таққа отыруын 1680 жылмен шамалаймыз. Қазақ елінің қасиетті қаласы Түркістанда ақ киізге көтеріліп, бүкіл Үш жүздің ханы болып сайланғаннан кейін, қазақтың сол заманғы қоғамының ішкі және сыртқы саясатына ерекше көңіл бөлді. Сол кезеңнің өзінде-ақ ұлт мемлекетін халықаралық деңгейге, биік дәрежеге көтеруге аянбай күш салды. Атап айтатын болсақ, Тәуке хан қазақ мемлекетін нығайту үшін ең алдымен бет-бетімен ру-руға бөлінген, бір-бірімен жауласып жатқан елінің ұлттық бірлігін сақтауға аянбай күш салады. Елдің басын біріктіру мақсатында ру басшыларының алауыздық қимыл-әрекеттерін тыюды мақсат етті. Қазақ қоғамында дау, жанжал, негізінен көшпелі елдің мал жаятын жайылымы мен қоныстың тарлығынан туып отырған.
Эктенсивтік көшпелі қоғамда мал жаятын өрістің тарылуы, басқа аймаққа көшуге мәжбүр етіп, өзге рулардың қоныстарына мал жаюға тура келеді. Малдың өсіп-өнуі, жетіліп, семіруі тек жерге байланысты. Тәуке хан ішкі саясатта ең алдымен осы мәселені шешуге ат салысты. Алдымен үш жүздің жайлау, қыстау және күздеулерін Қазақстан аумағының ерекшеліктерін ескере отырып бөлуге, назар аударады. Үш жүздің білгір билерінің басын қосып, айларға созылған кеңестен кейін жайылымдарды қалыптасқан тарихи пайдалану негізде бөледі. Бұдан былай жайылымдар ру-ру болып пайдалануға берілді және әр ру белгіленген аймақтың шеңберінде ғана көшіп-қонуға мүмкіндік алды. Белгіленген жер межесінің шеңбері ордағы түтін басының санына және мал мөлшеріне қарай бөлініп отырды. Ендігі уақытта көшпелі қазақтар руларымен белгіленген жерге ие болып, сол жайылымның шеңберінде ғана мал жайып, көшіп-қонатын болған. Жерді пайдалану барысында дау туса, ру басшылары мен билер әділеттілікпен қарап, шешім қабылдап

Read more

ҚАРИЯЛАР АЗАЙЫП БАРА ЖАТЫР

Article Details

Ардагерлерге – жүрек жылуы, қоғамның зерделілігі ардагерлерге қатыстылығымен де айқындалады. Қазақ халқының атадан балаға беріліп келе жатқан игі дәстүрі – үлкенді сыйлау, қарияны құрметтеу. Осы дәстүр 1 қазанда болатын Халықаралық қарттар күнінің мұраттарымен дөп келіп отыр.
Ақиқатты айқындап жариялар,
Бара жатыр азайып қариялар.
Дауыл тұрса, бүлк етіп толқымайтын
Бара жатыр сарқылып дариялар.
дегендей өкінішке орай, жыл өткен сайын қариялар қатары сиреп барады. Қарттарды құрметтеу, олардың қажеттіліктеріне жарай білу, әрқашанда сыйлау қоғамдағы жас ұрпақтың міндеті, борышы. Өскелең ұрпақтың кемеңгер ақылшысы аталар мен әжелер үнемі көңіл бөлуді, назар аударуды, олармен тілдесіп отыруды қажет етеді.
Ж.Болғанбаев атындағы Самар орта мектебінің жас ұландары қыркүйектегі «қайырымдылық» айлығында Ұлы Отан соғысының ардагері Мүтәлап Ықласов атаның үйіне көмекке келді. Оқушылар Мүтәләп ағаның бау-бақшасын ретке келтіріп, арамшөптерді жұлды. «Жас келсе – іске», дегендей атаның ауласы, бау-бақшасы жайнап кетті. Өз өмірлерінен қызықты әңгімелер айтып берді. Ес-телік ретінде суретке түсті. Қарттарға көмек қолын созып, игілікті іс жасаған жас ұландар үйлеріне ерекше көңіл-күймен қайтты. Сіздерге ең бірінші денсаулық, бала-шағаларыңыздың қызықтарына тоймай ортасында өмір кешулеріңізге тілектеспіз.

А.Таникенова,
тәлімгер, Самар ауылы

Read more

ҮШ ТҰҒЫРЛЫ ТІЛ

Article Details

Тіл - халықтың жаны, сәні. Адамды мұратқа жеткізетін ана тілі мен ата дәстүрі. Ендеше, тілге қандай құрмет көрсетсек те лайық. Тілдер мерекесі қарсаңында, Көкпекті аудандық кітапханасында мерекелік іс-шара өтті.
Ағымдағы жылдың қыркүйек айынының 21 жұлдызында Ж.Шайжүнісов атындағы орта мектептің 7-8 сынып оқушылары, ағылшын тілі пәні мұғалімімен бірлесе отырып тілдер мерекесіне арналған «Үш тұғырлы тіл» атты сайыс өткізді. Аталған іс-шараны Динара Төлеуғалиқызы жүргізіп отырды. Сонымен қатар, мерекелік іс-шараға кітап көрмесі қойылып, кітапханашылар Р.Нигматуллина және Б.Рсымбетова дайындаған слайд-шоу қатысушылар назарына ұсынылды. Сайыс соңында қатысушыларға кітапхана директоры А. Ибраеваның атынан мадақтау хаттарымен марапаттап, алғыс айтылды.
Сайыскерлер белсенділік танытып, қызы-ғушылықпен қатысты. Тілдер мерекесіне арналған сайыс өте қызықты да, тартысты өтті.

Д.Төлеуғалиқызы

Read more

ҚҰРБАН АЙТ – МҮБАРАК БОЛСЫН

Article Details

24 қыркүйек күні мұсылмандардың ең ұлық мерекесі құрбан айт басталады. Бұл мерекені ағайын арасын жақындата түсетін ұйытқы, өзара кешірім жасап, туысқандықтың байланысын күшейтуге себепші болатын мейрам деуге болады. Осы күні мұсылмандар құрбан шалып, садақа таратады, бір-біріне жылы ниеттерін білдіріп, жақсылық тілейді.
Сондай игі істің бірі Үлкенбөкен ауылында округ әкімі Н.Назархановтың бастамасымен өтті. Құрбан айт мейрамы қарсаңында мұсылман зираттарын қоршау жұмыстары аяқталды. Ауыл азаматтары мен шаруа қожалықтарының демеушілігімен, ауылымыздың ақсақалдар кеңесінің төрағасы К.Темірғалиевтың қатысуымен бұл игі іс жүзеге асты. «Жұмыла көтерген жүк жеңіл» демекші, бұл ауыл тұрғындарының бірлесе атқарған жұмысының жемісі.
Еліміздің тыныштығы мен амандығы үшін шалған құрбандықтарыңыз, тілеген тілектеріңіз қабыл болсын демекпіз.

Үлкенбөкен ауылдық округінің
әкімшілігінің ақпараты

Read more

ТАССАЙ ТЫНЫСЫ

Article Details

Тассай ауылдық округінде Құрбан айт мерекесі таңертеңгі сағат жетіде оқылған айт намызынан басталды. Мұсылмандардың ең ұлық мерекесі Құрбан айт мерекесімен ауыл тұрғындарын ауыл әкімінің м.а М.Оспанов құттықтап, ауылдың бас имамы Б.Ағынбаев халыққа құттықтаулары мен уағыздарын айтты. Алла жолында ниет етіп шалған құрбандықтарың қабыл болсын деді. Айт намазға ауыл тұрғындары және жастар қатысып, ауыл тұрғыны Құдайберген Әбикенов мешіт алдында құрбандық шалды.
Сонымен бірге, 16 қыркүйек күні Тассай ауылында «Нұр Отан» Тассай бастауыш партия ұйымы төрайымы С.Чалованың ұйымдастыруымен «Ұлт жоспары – 100 нақты қадам» атты жиын өткізілді.
С.Чалова Ел басымыздың «100 нақты қадам» Ұлт жоспарының осы заманғы мемлекет бес институттық реформасының әр қайсысына жеке тоқталып түсініктеме берді. Ең көп жаңалықтар индустрия мен экономика саласының үлесінде екендігін айтты. Жиын саны 50 жаңалық осы бағытқа тиесілі. Әсіресе, ауыл шаруашылығы саласын жер кодексіне өзгерістер енгізілгенін де хабардар етті.
Учаскелік полиция инспекторы майор С.Ах-метқалиев жиналғандарға Заң үстемдігін қамтамасыз ету жөніндегі жаңа көзқарастар сот жүйесімен құқық қорғау органдарының тиімділігі мен ашықтығы туралы түсіндірді. Бүгінде сот ресімдерін оңайлату және сот процестерін жеделдету үшін азаматтық-құқықтық даулар жөніндегі соттарға прокурордың қатысуын қысқарту тағы басқа маңызды мәселелер Ұлт жоспарының қадамдарында көрініс тапқанын жиналғандарға түсіндірді. Жиынға қатысушылар өз пікірлерін ортаға салды. Ауылдық округте «100 нақты қадам» бағдарламасын тұрғындарға түсіндіру, насихаттау жұмыстары жалғасуда.
Ауылдық округтің ақпараты

Read more

«ТАЗА ӨЛКЕ» КҮЗГІ СЕНБІЛІККЕ ШАҚЫРАДЫ

Article Details

Қыркүйек айының 18 жұлдызында аудан орталығы еңбек майданына айналды. Қолдарына күрек-кетпенін ұстаған мекеме және ұйым қызметкерлері округ әкімшілігі ұйымдастырған сенбілікке шықты. Тазалық жасағанды табиғаттың өзі құп көргендей, күннің көзі де сол күні ашылып сала берді.
Аудан орталығы қай жағынан да басқаларға үлгі болып, көш бастау қажеттігін, осы тұрғыда тазалық жағы да шет қалуға тиіс еместігін ауылдық округ әкімшілігі ұғынғалы қашан. Сенбілікке шығып, ауылды мұнтаздай ету – туған ауылымызға деген жылы сезімін білдірудің бір түрі екенін айтудан үлкендер жалығар емес. Тек соны қаперіне алып, жұртпен бірге ауласын тазалауға шығатын тұрғын қайда? Қашан мектеп немесе белгілі бір мекеме ұжымы келіп ауладан шығарып тастаған қоқысты жинап кетеді деп тосып отыру әдеті сүйегіне сіңген. Тазалық жұмыстарына үлкен-кішінің белсене атсалыса қоймауы да сондықтан.
- Аудан бойынша санитарлық тазалықты сақтау мақсатындағы «Таза өлке» акциясын ұйымдастырып, өткізу жөніндегі ұсыным хаттар және аумақтарды бөлу кестесі ауылдық округ әкімдеріне жеткізілген. Күнделікті телефон және әлеуметтік желілер арқылы ауылдық округ әкімдеріне тұрғындар арасында акцияны тиісті деңгейде өткізу жөнінде еске салулар жасалып отыр. Акция шаралары 11 қыркүйекте бас-тау алды. Барлық жерде жұмыстар жүргізілгенімен оның қарқыны төмен. Әлі де болса, ортақ істен ауыл тұрғындары тыс қалып келеді, - дейді ішкі саясат бөлімінің бас маманы Ерлан Далилов.

Read more

УВЕРЕННАЯ ПОБЕДА НАШИХ РЕБЯТ!

Article Details

19 – 20 сентября в Абайском районе прошло первенство области по таэквон-до среди детей от 8 до 14 лет. В соревнованиях участвовало 5 команд, среди которых были и таэквондисты нашего района, которые как всегда показали самые блестящие результаты.

Как рассказал тренер команды Бакыт Рахимов, наши ребята сумели одержать победу над спортсменами городов Семей, Риддер, Усть-Каменогорск.

Три первых места, три третьих и два вторых завоевали наши чемпионы: Жанали Манаш, Ерасыл Бауыржанов, Еркебулан Зияш, Ильдар Саненов, Жасулан Смагулов, Анатолий Бойков, Асан Асенов.

- Большое спасибо нашим спонсорам – родителям, - говорит тренер ребят. -  Поддержка родных и близких всегда помогает ребятам на соревнованиях.

Это был отбор на международные соревнования, которые пройдут в городе Новосибирске в ближайшее время. Пятеро таеквондистов нашего района поедут представлять область на  этих соревнованиях. Мы уверены, что они сумеют достойно принять в них участие, и  желаем им только победы!

 

Екатерина СКУДАРНОВА

Read more

СЕЮТ ЗЁРНА ДУХОВНОЙ КУЛЬТУРЫ

Article Details

Сейчас в наше время, когда  остро противостоят добро и зло, хорошее и плохое, сильное и слабое, мы должны особенно чувствовать свою ответственность. Именно в это время традиционная религия  - ислам  вносит свою лепту в благополучное развитие нашего общества.  Нелегкий тернистый путь прошел наш народ в своем становлении, чуть не потеряв свой язык, религию, обычаи и традиции. С обретением Независимости мы вновь поднялись с колен, и смогли самоутвердиться, как свободная нация с родным  языком, религией, традицими. Появилась возможность вернуть верисповедание, религиозные традиции, праздники.

 Величайший мусульманский праздник Курбан айт особенно на высоком уровне отметился в детском доме им.Раева. В первый день Курбан айт, уважаемые и известные люди из Тарбагатайского района Болат кажы Кунанбайулы и Ерболат Апсалямов, по традиции, совершили  жертвоприношение  крупного рогатого скота. Был накрыт щедрый дастархан для почетных гостей и воспитанников детского дома, где и.о главного имама центральной мечети К.Ахметкалиев прочитал коран, рассказал о значении и роли Курбан айт. Со словами поздравлений и благодарности ко всем, кто был причастен к жертвоприношению,

Read more

«ЧИСТЫЙ КРАЙ» ЗОВЕТ К ОСЕННЕМУ СУББОТНИКУ

Article Details

18 сентября районный центр стал площадкой всеобщего труда. При организации сельакимата все учреждения и организации с лопатой, граблями вышли на субботник. Сама природа в этот поддержала добрый почин – погода стояла теплая и солнечная.

Районный центр должен быть образцовым во всем, показывать примеры чистоты и порядка для других, это хорошо уяснила администрация местного сельского округа.

Read more