Жақия Шайжүнісов атындағы орта  мектепте ұлттық салт – дәстүрді насихаттап, ұрпақ бойына қалыптастыруда жыл сайын сан-салалы тәрбие шаралары өткізіліп отырады. Осындай шара -  Ұлы Жеңістің 70 жылдығына орай бастауыш сынып ұлдары арасында өткен «Жігіт сұлтаны» байқауы.

Сайыстың осылайша аталуы  жас ұландардың арман-қиялына шабыт беріп, үлкен жігіт, немесе жігіттің сұлтаны боламын деген ой-қиялға жетектейді. Бұл сайыста әр ұл бала өзін таныстыру өнерлерін көрсету, қол шеберліктерін, аталар сөзін айту, күш сынасу бағытында жан-жақтылықтарын көрсетті. Қатысқан барлық бастауыш сынып ұлдары бірінен бірі өтіп, ұстаздары, ата аналары үйреткен тәлім-тәрбие түрлерін белсенді көрсете білді. Әділ қазылар шешімімен 1 «а» сынып оқушысы Абылай Алғабекұлы алға шығып, «Жігіт сұлтаны» мәртебесін жеңіп алды. Бұған  тәрбиелеген ұстазы Бақытгүл Қазыбекқызының тынымсыз еңбегі бар.

Міне, әр баланы жастайынан әр салаға баулыса, тал шыбықтай көктеп, өрісі кеңейіп, ел ертеңін алға апарар мықты азамат болары сөзсіз. Баланың қуанышы мен жетістігі ата-ана үшін мақтаныш, ұстаз еңбегінің жемісі.

Жанерке АБЫЛХАН

Пікір: