Білім, тәрбие негізі бастауышта десек, осы бағытта Ж.Шайжүнісов атындағы орта мектептің 1 «а» сыныбында «Көктем аруы - 2015» атты байқау өтуі бірден бір негіз бола алады. Бұл байқаудың мақсаты - анаға деген сүйіспеншілік сезімдерін арттыру, ананы құрметтеу, сыйлай білуге, оқушылар бойындағы жеке қабілеттері мен таланттарын дамыту, адамгершілікке, ізгілікке, достықты қастерлей білуге тәрбиелеу болды. «Көктем аруы» байқауында байқағанымыз ұл балалардың қыз балаларға деген құрметі, қыздардың әртүрлі сынақтардан сүрінбей өтуі, ән салып би билеу, көркемдік сөздер оқу, әр оқушының өздерін таныстыру, ата-анасына, ұстаздарына ризашылықтарын көреміз. Осы әсерлі кешті ұйымдастырып жүрген, 1 «а» сынып жетекшісі Б.Демеубаеваның оқытып, тәрбиелеген оқушыларына деген ұстаздық жылы ықыласын сезінеміз. Ата-аналар да мұндай тәрбиенің өз балаларына берері көп шара екенін ризашылықпен айтып, алғыстарын білдірді. «Көктем аруы - 2015» қатысқан әр сайыскер қыздарға киім киюлеріне, сөз сөйлеу мәнерлеріне қарай, мадақтама қағаздары берілді. Сайыстың қорытындысын әділқазылар алқасы саралап, мынандай қорытынды жасады. «Көктем аруы - 2015» атанған Бекшойынова Зарина болды. Ал, 1 орында А.Жеңісова, 2 орында Д.Ахан, 3 орында И.Серік жеңіп алды. Оқумен қатар өнердің сан саласын бастауыштан бастап бо-йына қалыптастырған әр бала, ертең мектеп бітірген соң өмірге қадам басқанда білім ордасында алған тәрбие-тәлімін, білімін кедергісіз арманына ұштастыратыны сөзсіз. Өйткені, мектеп – әр адамның өмірінің алғашқы баспалдағы. Өмір баспалдағына жаңылмай қадам бастыру, бастауыш сыныптардан басталады. Мұндай бағыттағы жақсы істер әр мектепте болып жатқанына қуанамыз.

Клара ҚАЙЫПЖАНҚЫЗЫ

Пікір: