Миролюбовка атындағы орта мектебінің әдістемелік бірлестігінде 22 мұғалім еңбек етеді. Білім деңгейі бойынша: жоғары білімді мұғалімдер мен арнаулы орта білімі бар мұғалімдер бар.
Білім ордасының бүгінгі тыныс-тіршілігін мектеп директоры Ырысты Райхан баяндап берді:
- Мектебімізде қазіргі таңда 0-11 сынып аралығында 71 оқушы білім алуда. Бізде білім саласындағы жаңа өзгерістерге сәйкес, «Қазақстан Республикасының орта білім мазмұнын жаңарту шеңберінде», «12 жылдық білім беру жүйесінің жаңа бағдарламасы» бойынша 14 мұғалім білімдерін көтерді. Асханада оқушылар 100% ыстық тамақпен қамтылған.

Мектебімізде бекітілген жылдық жоспарға сәйкес жұмыстар өтеді. Мектеп оқушылары түрлі деңгейдегі олимпиадаларға да қатысады. Бүгінде білім ордасы айтарлықтай жетістіктерге жетіп отыр. Сондай-ақ, мен осы мектептің тізгінін алған алғашқы жылдары өзіме қайтсемде «Алтын белгіге» үміткер оқушысын шығарамын деп мақсат қойған болатынмын. Биылғы жылы арманым орындалып, мектептің 48 жылғы тарихында болмаған 3 оқушы «Алтын белгісін» алып шықты. Олар Томирис Қайырбеков, Әмина Нұрлыбекова, Александра Тищенко. Биылғы оқу жылында мектеп түлектері мұғалімдер мен ата-аналардың үміттерін ақтады,- деп қуанышын жасыра алмады Ырысты Райхан.
- Сонымен қатар, тағы бір айта кететін жағдай округ әкімі Серік Тоқтажанұлының биылғы игі бас-тамасы. Ол мектеп түлектеріне өз атынан ынталандыру сыйлығын беріп оқушылардың білімге деген құлшынысын артыруда. Серік Тоқтажанұлына, мектепте өтетін ісшараларға демеушілік көрсетіп жүретін Гүлайым Аманбаева, Елена Тюменцева, Лариса Бородин, Аистина Элемберг, Лязат Құдайбергеноваға алғысым шексіз.
Тәрбие таразысын тең ұстаған, 48 жылға жуық тарихы бар қасиетті білім шаңырағы Миролюбовка орта мектебінің ұжымына алдағы уақытта білім биігіне шығар шәкірттері көп болсын!

Пікір: