Жақсылық жасау – имандылықтың тәрбие-ліліктің, парасаттылықтың айқын көрінісі. «Не берсең де балаға бер, бала үшін жаса» деген халқымыздың игі дәстүрі қазіргі кезде қайырымдылық қоғамдарының іс тәжірибелерімен жалғастырылып келеді.
Шығыс Қазақстан облысында 2016 жылғы 1 наурыздан бастап 1 маусым аралығында Шығыс Қазақстан облысының Білім беру басқармасы ұйымдастырған «Жүректен - жүрекке» акциясы өткізіледі..
Акция екі кезеңде өтеді. Бірінші кезеңінде 2016 жылғы 1 наурыздан бастап 15 мамырға дейін өтініштер қабылданады, сайтқа орнатылады, демеушілерді іздеу және өтініштерді қанағаттандыру (сыйлықтар тапсыру) жұмыстары жүргізіледі. Екінші кезеңінде 2016 жылғы 16 мамырдан бастап 31 мамыр аралығында тек 2016 жылғы 15 мамырға дейін сайтқа орнатылған өтініштерді қанағаттандыру (сыйлықтар тапсыру) жүргізіледі.
Құрметті Көкпекті ауданының тұрғындары, осы акцияға жұмыла үлесімізді қосайық. «Жанашырлыққа – жан риза» дегендей қам-қорлыққа алынған балалардың жанашыр қамқоршысы болу, аялы алақанын тосып, жүрек жылуын ұсыну, сауабы мол іске әрбір адамның азаматтық парызы.
Ендеше, көп болып, асыл арманына қол созғандарға сүйеніш болып, қолымыздан келген көмегімізді аямайық. Бала сенімінің нық болуына қадам жасайық.

Н.Капчикова, Көкпекті аудандық білім беру бөлімінің әдіскері

Пікір: