Еліміздің келешегі - өскелең ұрпақтың қолында. Тұңғыш Президент күнімен орайластыра өткізілген шаралардың бірі аудан орталығындағы «Балерке» балабақшасында «кофе-брейк» түрінде ұйымдастырылған жалпы ата-аналар жиналысы еді.
Жиналыста көтерілген мәселелер «Бала-бақшаның жетістіктері мен материалдық базаның толықтырулары» өте өзекті. Себебі заман талабы балалардың білімінен бұрын тәрбиесіне ерекше көңілдің бөлінуінде. Ғұлама ойшыл Әбу-Насыр-Фараби «Тәрбиесіз берілген білім - адамзаттың қас жауы» демекші, тәрбие мәселесі қазіргі таңда бірінші орынға шығуда. Бүгінгі күннің басты талабы келешек ұрпақты өмір сүре білуге үйрету, сыни тұрғыдан ойлай алуға дағдыландыру болып отыр. Бұл мәселелерді ата-ана ойына жеткізіп, көпшілік қауымға меңгерту әрбір білім мен тәрбие беру ошақтарының негізгі міндеті екендігі белгілі. Осындай мақсатты көздеп, көңілмен жайылған дастарханда бас қосқан ата-аналар өздерін еркін сезініп, мазалап жүрген сауалдарына нақты жауаптар алды. Балаларының тәрбиелену ошағының жетістіктері мен материалдық базасының жаңар-тылуына көңілдері толды. Мәнді отырыстың жалғасы кішкентай бүлдіршіндердің Тұңғыш Президент күніне арналған концерттік бағдарламасы мен тәрбиешілердің, балалардың, ата-аналардың қолөнер және аспаздық шеберлік бұйымдары қойылған жәрмеңке нұр үстіне нұр қосқандай болды. Ата-аналардың көңілінен шыққан бұл шараны өткізуде еңбек сіңірген әкімшілік пен сол ұжымның белсенді тәрбиешілерінің арқасы екендігі айдан анық. Мерекеге тұспа-тұс өткен бұл шарадан шыққан әрбір ата-ана тек дүниетанымын ғана артырып қойған жоқ, сонымен қатар, балаларының қолдан жасаған бұйымдарын қы-зықтап, жәрмеңкеден алған заттарына риза болды. Балабақша меңгерушісі А.Назарханова мен әдіскер А.Жұмашева, сондай-ақ тәрбиешілер мен ұжым мүшелеріне бүгінгі мерекелік көңіл күй сыйлап, ерекше жиын өткізгені үшін ата-аналардың ризашылығы шексіз!
Ш.Қияқпаева,
ата-аналар
комитетінің мүшесі

Пікір: