«Қазіргі заман өзіне сенетін арманы мен оны іске асыруға ерік-жігері бар, дарынды, қажырлы адамдардың уақыты» деген Елбасымыздың данышпан сөзін ойыма алып отырмын. Ұлт тарихын меңгере отырып, сан ғасырлар бойы ел үшін, жер үшін жанын пида еткен ата-бабаларымыздың қанымен келген бүгінгі бейбіт заманымыздың төл Президентінің барына мақтанамын, аса қадір тұтамын. Мемлекетімізде тыныштық орнап, еліміздің біршама жаһандануы - бәрі-бәрі басшы іскерлігі деп танимын. Басшының дүйім бір елді шебер басқаруына, оның елге деген махаббаты үшін халқының қолдауы үнемі қажет-ақ.

Халқымның «Әке көрген оқ жонар, ана көрген тон пішер» деген даналық пікірін негізге ала отырып, ата-бабаларымыздың асқар таудай ақылы, өз өмір тәжірибесінен өткен өнегелі істері, елін, жерін қорғау, бірлікте, ынтымақта өмір сүріп, еліне елеулі, халқына қалаулы болу сияқты жақсы қасиеті ұрпақтан-ұрпаққа дарыса екен деймін.
Елбасының арқасында тыныштық орнаған, бейбіт елде өмір сүріп жат-қанымызға шексіз қуанамын. Елбасының арқасында «уайымы - жоқ, қарны - тоқ», тәуелсіз мемлекетте тұрғанымызға не жетсін!
Ойымды қорыта келе айтарым, егер мен шебер қаламгер болсам, қазақ тарихында есімі алтын әріптермен жазылар Тұңғыш Президент пен Қазақстан жайында көп ой толғар едім. Ал егер суретші болсам, елім, Президентім туралы үлкен де әсем портретін салар едім де, ұлттық мұражайға табыстар едім. Дәл қазір мен Нұрсұлтан атам туралы шағын шығармамды ғана ұсынамын.
Жанель Қалиякперова,
7 сынып оқушысы

Пікір: