Қазақ халқының ана тілі –қазақ тілі. «Қазақ тілі - өткірлігімен бой балқытып, тамыр шымырлатып, жан жүрегіңді жадыратып, құлақ құрышын қандырып, ұғымыңа қонымды, жүрегіңе тиімді», - дегенді Халық Қаһарманы Бауыржан Момышұлы айтқан. Әр патриот, елін, жерін сүйетін азамат «Ана тілі - қазақ тілі» - деген сөзді көкірегіне емес жүрегіне жазатын, жадында сақтайтын уақыт жетті.

Біздің мектебімізде 12-22 қыркүйек аралығында Қазақстан Рес-публикасы Халықтарының Тілдері күні мерекесіне орай, онкүндік іс-шаралар өткізілді. Онкүндік мерекелік жиынмен басталды. Жиын-да оқушылар әр ұлттың тілінде өлең оқып, ән айтып, тілдер күні мерекесінің маңызы туралы барша оқушыларға мәлімет берді.

Жоспар бойынша «Мемлекеттік тіл - менің тілім», атты тақырыпта 5-11 сыныптарда сынып сағаттары жүргізілді. Мектеп кітапханашысы кітапханада тіл мерекесі күніне арналған кітап көрмесін ұйымдастырды. 5-11 сынып оқушылары арасында «Тіл тұтастығы - ел тұтастығы», тақырыбына шығармалар байқауы жарияланып, бағаланды. Тіл мамандары «Тіл - аса қадірлеп ұстайтын байлығымыз», тақырыбында ашық сабақтар өткізді. Қазақ тілі пәнінің мұғалімі Г.Айтышева «Қазақтың Хан апасы» Қанипа Бітібаеваға арналған әдеби кеш ұйымдастырды. Жоғарғы сынып оқушылары арасында «Ұлттық тіл - мәдениеттің негізі және іргетасы» тақырыбына мақалалар байқауы жарияланып, 10 сынып оқушысы Олжас Мусиннің мақаласы ең үздік деп танылды.

Сынып сағаттарының ішінде «Тіл - өлшеусіз қазына, өрісі кең әлем» тақырыбында пән мұғалімі Ж.Нұрпейісованың, А.Қайырқанованың өткізген «Тіл - достық көпірі» ашық сабақтарына оқушылар қызыға да белсене қатысты. Ағылшын тілі пәнінің мамандары А.Ахмадиева, Ж. Четпаеваның 5-6-8 сыныптарда өткізген көркем сөз шеберлері байқауын және ағылшын халқының әртүрлі ойындарын ойнатты. Апталықта белсенділік танытқан оқушылар марапатталды

22 қыркүйекте «Тілдер күні» атты тізілім үш тілде өткізілді. Өткізілген іс-шаралар оқушылардың өз ұлтына, еліне деген сүйіспеншіліктерін арттыру, жас ұрпаққа ана тіліміздің қадір-қасиетін дарыту, өзге ұлттың тілін құрметтеп, өз ана тілін қастерлеуге тәрбиелеу мақсатын қамтыды.

Г.Айтышева, әдістемелік бірлестік жетекшісі,

№1 Самар орта мектебі

Пікір: