Бірлігі берекемен астасып, ырыспен толысып жатқан ауылдың ісі қашанда оңға басары анық. Бұл сөзді назарға алған Белое ауылдық округінің әкімі Мұхтар Жанкебаев бізбен ауылдың жағымды жаңалықтары мен атқарылып жатқан игі істерімен бөлісті.

Рухымыздың бағадаршамы - Елтаңба, Ту, Әнұран десек, еліміздің абыройы, жарқын болашағымыздың кепілі де осы - Рәміздер болмақ.
Үлкен құрметке ие мемлекеттік нышан-дарымыздың мерекесі Тассай ауылындағы клуб үйінде дөңгелек үстел түрінде атап өтілді. Шара барысында партия ардагері К.Бектеміров, зейнеткер ұстаз Қ.Түсіпбеков, ауылымыздағы неміс ұлтының өкілі И.Шнайдер, жас мамандар, ұстаздар қауымы өзіндік ой-пікірлерімен бөлісті. Атаулы күнге арналған жиынды құттықтау сөзбен ашқан Катрен Қапсадықұлы ұлттық абыройымыздың қуат-қайнар көзі болған айбынды Әнұранымыз «Менің Қазақстаным» әнінің тарихына тоқталды.

Тассай ауылындағы клуб үйінде «Бақытты балалық» партиялық жобасы аясында Халықаралық балаларды қорғау күніне арналған көңілді концерттік іс-шара өткізілді. 

Шара барысында ауылдағы бүл-діршіннен бастап жоғарғы сынып оқушылары «Жас өркен» атты өнер фестиваліне белсене қатысты. Жинал-ған қауым, ата-аналар асфальтқа салынған «Менің Отаным - Қазақстан» атты сурет байқауының куәгері болды. Сурет салуда жүлделі орынды Зейнолла Мади, Айдосқызы Анель, Айдынқызы Аружан, Асанова Айсұлу мен Нұрәлі иеленді, ерекше көзге түскен балалар Отан, Достық, Ана деген сөздерін үш тілде еркін жазып, мазмұнды бейнелей білді.

Тассай ауылының тұрғындары 6 мамыр күні ауыл орта-сындағы ескерткіш тақта орнатылған баққа ағыла бастады. Кеудесінде орден, медальдары бар тыл ардагерлері, көп балалы «Ардақты ана», жаңа отау құрған жас отбасы, оқушылар мен ұстаздар қауымы, ауылдық мешіт имамы, яғни барша қауымның жиналу себебі де түсінікті. Бұл күні «Нұр Отан» бас-тауыш партия ұйымы, ардагерлер мен партия мүшелерінің, «Жас Отан» жастар қанаты қатысуымен, жергілікті әкімшілікпен бірлесе отырып жоспарлы түрде «Ардагерлерді ардақтайық» партиялық жобасы бойынша тыл ардагерлерімен кездесу жоспарланған.