Үлгілімалшы ауылындағы мешітінің ірге тасы қаланғалы мешітімізге ешқандай күрделі жөндеу жұмыстары жүргізілмеген. Тек жыл сайын мешіттің ішіне ғана ауыл тұрғындарының көмегімен ағымдағы жөндеу жұмыстары жүргізіліп әктеліп, боялып отыратын. Өткен жылы мешіт алқасының ұйымдастыруымен ауыл тұрғындарының қаржылай көмегімен мешіттің ішіндегі үстел мен орындықтары жаңартылып жөнделген болатын. Биылғы жылы да Үлгілімалшы ауылынан шыққан азаматтардың көмегімен, ескі есіктер мен терезелер ауыстырылып, жаңадан пластик терезелер мен есіктер орнатылды. Туған жеріне жаңашырлық танытып,балалық шағын ауылда өткізген жерлестеріміз туған жеріне туын тік дегендей қол ұшын беріп көмектескен жандарды атап айтсақ Ерғазы Бабажанов, Ержан Естаев,Ержан Жакупов,Жарқын Тұрсынханов, Алмас Тұрсынханов, Мұрат Батыров, Азамат Қажығұлов, Ербол Кокенов, Нұржан Кокенов, Жомарт Садықов, Айдос Тоқпаев, Дәулет Бабажанов, Еркімбек Байтұнов, Абылғазы Көкпаев, Мұхамеднұр Ибраев, Серік Абылхаиров, Жандос Камзин, Әнеш Ақатаев, Ерлан Асқаров, Фархат Калкенов, Исламбек Кунапиянов, Мейірбек Баймұхамбетов, Азамат Көкенов, Ерболат Көкенов, Аңсар Дзюбаев, Әсет Халелов, Қайнар Дзюбаев, Айдын Читимов, Жақсылық Шынарбеков, Марат Халелов,т.б азаматтар болса осы істің басы қасында жүріп ұйымдастырған Бақытбек Байғалиевке алғысымыз зор. Ермек Сыдықұлы бастаған мектеп ұжымы және әкімшілік ұжымы көмектесіп ісіміз оңға басты.

Осындай ауыл азаматтары мұсылмандық парыздарын желеу етіп, ниет білдіре отырып ақшалай көмек көрсетті. -Қасиетті Рамазан айына қарсы мешітіміздің жөндеу жұмыстары жүргізілді. Біз үшін өте қуанышты жағдай. Бүгінгі таңда намаз оқуға ниет білдіріп жүрген жамағаттың қарасы көбейіп келеді. Әсіресе жастар жағы.Сондықтан жөндеу жұмыстары жүргізіліп жатқан ауылымыздың мешіті бізге ауадай қажет. Әрбір істеген ісіміз өзіміз үшін өз ауылымыз үшін істелген игі істер деп білемін.
Ауыл молдасы атынан, Мешіт жамағаттарының атынан және ауыл тұрғындарының атынан азаматтарға алғысымыз шексіз, отбасыларына амандық, жұмыстарыңызға толағай табыс, жасап жатқан кәсіптеріне Алла тағала берекетін берсін деп тілегімді жеткізгім келеді. Осы ораза айында әр отбасына жақсылық тілей отыра әрқашан осындай береке бірлігімізді танытып өзіміздің ауылымызды көркейтуге, жақсы жағынан көрсетуге, таза ұстауға әр азамат ниет етсе нұр үстіне нұр болар еді.

Ауылдық округтің ақпараты

Пікір: