Адамзат баласы үшін Анадан құдіретті, анадан ардақты, анадан аяулы ешкім жоқ. Сондықтан,әлемдегі ең жоғары мадақ та, құрмет те ару-аналарға арналады. Бұл мереке жақындаған сайын ер-азаматтар ақ жаулықты әжесіне, аяулы анасына, сүйген жарына, ардақты қарындасына, сүйкімді қызына, қадірлі құрбысына не сыйласам деп терең ойға шоматын кезеңі басталады.

Биыл Көкжайық ауылында 8 наурыз Халықаралық әйелдер күні ерекше болып өтті. Ауылымыздың орта буын ер азаматтары мерекеге арнап кеш ұйымдастырды. Мерекелік кеш ауылдың құрметті ақсақалы Қ.Жазнаев пен ауылдық округ әкімі Н.Сүлейменовтың құттықтауымен бас-талды. Көкжайық орта мектебінің оқушылары аналарға арнап құттықтау тілектерін жолдап, әдеби монтаж бен флешмоб биімен өнерлерін көрсетті. Ал, ауыл азаматтары Е.Нұрлан, М.Шұбаров кешті жүргізді. Сондай-ақ, А.Нұртазин, Р.Құмарбеков, С.Нұрғалиев, Е. Әділбаев, Қ.Шұбаров, Ж.Тоғысов, С.Нұрғалиев, К.Баякенов, Е.Әділбаев пен Т.Хайрош, Ж.Бопанов, Б.Далабаев әндерін шырқап, өз өнерлерін көрсетті. Аудандық Жастар орталығының директоры А.Қалықов арнайы келіп аналар мен арулар қауымын құттықтап, ауылымыздың қоғамдық өміріне белсене ат салысатын жас аналарға алғыс хат табыс етті. Ауылымыздың тумасы Нұрлан Қайратұлы мереке қонақтарына арнап тамаша ән жолдады. Сондай-ақ, ауыл азаматтары бірігіп кештің көрермен әжелеріне гүл шоқтарын сыйлады.
Кештің өте тамаша өткені соншалықты, ауылымыздың тұрғындары ризашылықтарын біл-діріп, тамаша кештен алған әсерлерімен бөлісіп жатты.
Барша аналар, қыздар қауымы атынан сіздерге денсаулық, қажымас қайрат, отбасылық бақыт тілей келе, өнерлеріңіз үстем болсын дейміз. Ауылымызды көркейтіп, ұрпақтарды жақсы үлгі - өнегеге жетелей беруге тілек білдіріп, алғыс айтамыз.

Көкжайық ауылының әйелдер қауымы

Пікір: