Қазақ халқының ежелден келе жатқан рухани қазынасының бірі – бата сөздер. «Жаңбырменен жер көгерер, батаменен ел көгерер», «Көп тілеуі – көл» деп ұққан қазақ халқы келер ұрпаққа бата беріп, ақ тілек, адал ниет білдіруді дәстүр тұтқан.
Осы мақсатта Абай атындағы орта мектебінде «Рухани жаңғыру» бағдарламалық мақаласы аясында оқушылар арасында аудандық «Батаменен ел көгерер» атты батаны жатқа оқу байқауы өтті. Бұл байқауға ауданның 5 мектебінен келген 23 оқушы қатысты.

Байқауға оқушылар батаның мынандай Айт батасы; Сапар батасы; Тұсау кесер батасы; Азаматқа бата; Жас келінге бата; Мектепке барған бүлдіршінге бата; Төле би батасы; Жас жұбайларға бата; Үй иесіне бата; Нәрестеге беретін бата; Байқау өтіп жатқан мектепке бата, Дастарханға бата түрлерінен сайысқа түсті. Р.Байкубинова, А.Долдина, С.А.Смағұлова сынды ұстаздар қауымынан құрылған әділқазылар сайысқа қатысқан оқушыларды байқау ережесіне сай бағалап, мынандай қорытынды шығарды.
Жоғары буын оқушылары арасында: ІІ орын А.Фазылжан. Орта буын оқушылары арасында: І орын Р.Талғатов, ІІ орын Ж.Тосумов, А.Мұхамбетов, Б.Құсайынов, ІІІ орын Бақыт Арман, Ә.Зәйіттен.
Бастауыш буын оқушылары арасында: І орын А.Құмарғазин, А.Биғалиев, ІІ орын М.Тосумов, Ш.Талғатов, ІІІ орын С.Алпамышев, Зәйіттен Ерлен, Мейрамхан Ерназар, Жанатхан Бақберді ие болды. Сайыс жеңімпаздары мен қатысушылар Көкпекті аудандық білім бөлімі басшысы Ш.Мұстафинованың мақтау қағазымен марапатталды.
Сөз соңында айтарымыз, ата-анасының ақ батасын алған бала өзіне сенімді болып, бастаған ісі оңды болады. Артында қолдаушысы бар екенін сезініп, оған ақ бата күш-қайрат беріп, қанаттандырып отырады.

Бастаушы ауылды округінің ақпараты

Пікір: