Бір шаңырақ астында халқымыздың достығы мен өзара түсіністігі одан әрі жалғасуда. Тіршілік түрлене түлейтін жайдарлы шақта мерейлі мерекелердің бірінен соң бірінің келуі үміт пен сенімнің сабақтастығын білдіреді. Бүгінде мемлекеттік салиқалы саясаттың арқасында ел аумағында жүзден астам этнос өкілдері тату-тәтті өмір сүруде. Қазақстан халқы Ассамблеясының берекелі шаңырағына топтасқан этностар қашанда елдігімізді танытар игі бастамаларға қолдау білдіріп, ырысты ынтымағымыз бен берекелі бірлігімізді бекемдеу жолында жүйелі әрі үйлесімді жұмыс істеуде. Елімізде этностардың ана тілі мен мәдениетін сақтауға лайықты жағдай жасалған.

Бұл мерекелі күні этномәдени бірлестіктер біріккен этностардың тілі, салт-дәстүрі және мәдениеті күндерімен жалғасып, бейбітшілік бейнесін орнықтырып келеді. Бірлік еліміздің саяси-экономикалық тұрақтылықтың басты әрі негізгі кепілі. Бағындырған белестеріміз бен жеткен жетістіктеріміз ауызбіршілік пен шынайы түсініктің жемісі. Қазақ халқынының даналығы, кеңдігі мен сыйластығы этностық тегіне, әлеуметтік, діни және де шығу тегіне қарамай, береке-бірлікпен тіршілік етуде. Көп ұлттардың тұрағы мекені болған Үлкенбөкен ауылында әр ұлт өкілдері тұрады. Ауылымызда тұратын көп ұлт өкілдерінің қатысуымен мерекелік іс-шара өткізілді. Әр отбасына, барлық қазақстандыққа шынайы көңілмен бақыт-береке тілейміз. Еліміз аман, жұртымыз тыныш болсын!

Ж.Оспанова, Үлкенбөкен ауылының
кітапханаша меңгерушісі

Пікір: