Қазақстан халқының бірлігі күні мерекесіне орай Көкпекті ауданының жастар ресурстық орталығы «Біртұтас отбасында» атты тақырыпта сурет байқауын өткізді. Аталмыш байқауға ауданның барлық ауылдық округтерінің жастары қатысты.
Көкпекті ауданының жастар ресурстық орталығының директоры Әлижан Артықбаевтың айтуынша, бұл іс-шараның негізгі мақсаты балаларды ел мен қоғам өміріндегі маңызды оқиғаларға баулу, өскелең ұрпақ арасында адамгершілікке, руханиятқа, төзімділікке, патриотизмге тәрбиелеу болып табылады. Бұл іс-шараға ауданның белсенді жастары өздерінің төл туындыларын қылқалам арқылы бейнелеп, өз өнерлерін көрсетті.

Жеңімпазды таңдау оңай болған жоқ. Байқауға ұсынылған барлық жұмыстар жеңіске лайық болды. Арнайы құрылған әділқазылар алқасының мүшелері кеңесіп, сурет байқауының қорытындысын шығарды.
Нәтижесінде бас жүлдені Елназ Бақытбекова (Құлынжон ауылы), І орынды Жанерке Орал (Көкпекті ауылы), ІІ орынды Құралай Бақыт (Құлынжон ауылы), ІІІ орынды Шырын Оразалина (Үлгілімалшы ауылы) жеңіп алды.
Байқау ұйымдастырушылары барлық қатысушыларға үлкен алғыстарын білдіріп, алдағы барлық бастамаларына сәттілік тілейді!

Пікір: