Мемлекет басшысы Қасым-Жомарт Кемелұлы Тоқаевтың карантин және төтенше жағдай қолданылу кезеңінде коммуналдық қызметтер үшін төлемді төмендету туралы тапсырмасын орындау шеңберінде Индустрия және инфрақұрылымдық даму министрлігі 18.04.2020 ж. №212 Төтенше жағдай кезеңінде коммуналдық қызмет көрсетуші ұйымдарға шығындарды өтеу қағидаларын бекітті.
Коммуналдық қызметтерді төлеу сәуір және мамыр айларында 15 мың теңгеден келесі санаттағы азаматтарға төленетін болады:
- 1-ші, 2-ші, 3-ші топтағы мүгедектер;
- мүгедек балаларды тәрбиелеп отырған отбасылар;
- көпбалалы отбасылар;
- Ұлы Отан соғысының мүгедектері мен қатысушылары және Ұлы Отан соғысының мүгедектері мен қатысушыларына теңестірілген адамдар;
- мемлекеттік немесе қоғамдық міндеттерді орындау, әскери қызмет атқару кезінде, ғарыш кеңістігіне ұшуды дайындау немесе жүзеге асыру кезінде, адам өмірін құтқару кезінде, құқық тәртібін қорғау кезінде қаза тапқан адамдардың отбасылары;
- ең төменгі және одан аз зейнетақы алушы зейнеткерлер;
- атаулы әлеуметтік көмек алатын азаматтар, соның ішінде жалғызбасты зейнеткерлер.
«Тұрғын үй қатынастары туралы» ҚР Заңына сәйкес төлем келесі коммуналдық қызметтер бойынша жүргізіледі:
- сумен жабдықтау,
- кәріз,
- газбен жабдықтау,
- электрмен жабдықтау,
- жылумен жабдықтау,
- қоқыс шығару
- лифттерге қызмет көрсету.
Коммуналдық қызметтерді төлеуге арналған қаражат азаматтарға берілмейді және коммуналдық кәсіпорындардың жеке шоттарына жіберіледі.
Коммуналдық қызмет көрсету ережесіне сәйкес есептеулер бойынша төлем мерзімі сәуір айы бойынша мамырда, мамыр айы бойынша – маусымда басталады.
Шығындарды өтеу үшін тұтынушы Көкпекті ауданының жолаушылар көлігі, автомобиль жолдары және ТКШ бөліміне жүгінуі қажет. Бөлім мамандарының байланыстары: Оспанова Мадина Максутқызы тел. 21606, ұялы 87776128785, Базарбаев Сержан Кунашевич тел. 21606,ұялы 87779585455.
Көкпекті ауданының жолаушылар көлігі, автомобиль жолдары және ТКШ бөліміне көрсетілген телефондар бойынша хабарласуларыңызды, сұраймыз.
Құрметпен
Көкпекті аудандық маслихат депутаты