Бекітілген кестеге сәйкес ағымдағы жылдың 25 ақпанында Көкпекті ауданы әкімінің міндетін атқарушы, аудан әкімінің орынбасары Жасұлан Майкенев аудан азаматтарын жеке сұрақтарымен кезекті қабылдауын өткізді.
Әкім аппаратының бөлім басшылары және Көкпекті ауылының әкімі Қайрат Алғазыұлының қатысуымен өткен жеке қабылдауда үш мәселе қаралды. Олар қаражат мәселесі, қарыз берешегі және балаларға төленетін жәрдемақыны тұрғындардың уақытында ала алмау мәселері бойынша қабылдауға келді.
Қабылдауға алғашқы болып кірген, Көкпекті ауылының тұрғыны, көпбалалы ана Кенжеш Сарымсақова өз өтінішінде бастаған кәсібінің дамымағанына жергілікті билік өкілдерін кінәлай келе, қазіргі таңда барлық кінәлі адамдарды жазалауын талап етіп, кәсібін бастауға көмек сұрады. Көпбалалы ананың арызын мұқият тыңдаған Жасұлан Талғатұлы тиісті бөлім басшыларымен ақылдаса келе мәселенің түйінін шешетінін айтты.

Ал Ержан Ажикұловтың өтініші бір жылдан бері Көкпекті ауылындағы шаруашылық жүргізу құқығындағы коммуналдық мемлекеттік кәсіпорынның қарыз ақшасын қайтармай жүргенін тілге тиек етті. Өз кәсібін бастауға осы қаражаттың ауадай қажеттілігін айта келе, тез арада шешімін тауып беруін өтінді.
Сондай-ақ, қабылдауға келген бір топ көпбалалы аналар 4 ай бойы өздеріне тиісті жәрдемақыны ала алмай жүргендерін айтты. Бұл мәселенің шешімін табу «Жұмыспен қамту» орталығының директоры Қанат Мұқышевке жүктелді.
Жасұлан Талғатұлы келген тұрғындардың өтініштерінің барлығына нақты да толық жауаптар қайтарып, кейбір сұрақтар бойынша әкім аппаратының тиісті бөлім қызметкерлеріне аталған мәселелерді шешу үшін тапсырма берді.

Пікір: